கோவையில் தொடர் மழை: அணைகளின் நீர்மட்டம் உயர்வு..!

கோவை: கோவை மாவட்டத்தில் நீர்பிடிப்பு பகுதிகளில், தொடர்ந்து மழை பெய்து வருவதால் அணைகளின் நீர்மட்டம் உயர்ந்துள்ளது.

கோவை மாவட்டத்தில், கடந்த சில நாட்களாக தென்மேற்கு பருவமழை தீவிரமடைந்து தொடர் மழை பெய்து வருகிறது. குறிப்பாக நீர்ப்பிடிப்பு பகுதிகளில், தொடர் மழை பெய்து வருவதால் அணைகளுக்கு நீர்வரத்து அதிகரித்துள்ளது.

சோலையாறு அணை:-

சோலையாறு அணையின் மொத்த நீர்மட்டம் 165 அடியாகும். தற்போது அணையின் நீர்மட்டம், 162.18 அடியாக உள்ளது. அணைக்கு வினாடிக்கு, 5,811 கன அடி தண்ணீர் வந்து கொண்டு இருக்கிறது. அணையில் இருந்து, 5,912 கன அடி தண்ணீர் வெளியேற்றப்படுகிறது.

பரம்பிக்குளம் அணை:-

பரம்பிக்குளம் அணையின் மொத்த நீர்மட்டம், 72 அடியாகும். தற்போது அணையின் நீர்மட்டம், 68.38 அடியாக உள்ளது. அணைக்கு வினாடிக்கு, 5,984 கன அடி தண்ணீர் வந்து கொண்டுள்ளது. அணையில் இருந்து, 5,384 கன அடி தண்ணீர் வெளியேற்றப்படுகிறது.

ஆழியாறு அணை:-

ஆழியாறு அணையின் மொத்த நீர்மட்டம், 120 அடி. தற்போது அணையின் நீர்மட்டம், 117.30 அடியாக உள்ளது. அணைக்கு வினாடிக்கு, 2,053 கன அடி தண்ணீர் வந்து கொண்டு இருக்கிறது. அணையில் இருந்து, 2,458 கன அடி தண்ணீர் வெளியேற்றப்படுகிறது.

பவானிசாகர் அணை:-

மொத்த நீர்மட்டம், 105 அடி. தற்போது இந்த அணையின் நீர்மட்டம், 102 அடியாக உள்ளது. அணைக்கு வினாடிக்கு, 17,338 கன அடி தண்ணீர் வந்து கொண்டு இருக்கிறது. அணையிலிருந்து, 17,508 கன அடி தண்ணீர் வெளியேற்றப்படுகிறது.