பாஜக அரசை கண்டித்து திருப்பூர் தலைமை தபால் நிலையத்தை முற்றுகையிட்டு காங்கிரஸ் கட்சியினர் மறியல் போராட்டம் - 100-க்கும் மேற்பட்டோர் கைது..!

திருப்பூர்: பாஜக அரசை கண்டித்து காங்கிரஸ் கட்சியினர் திருப்பூரில் தலைமை தபால் நிலையத்தை முற்றுகையிட்டு மறியல் போராட்டத்தில் ஈடுபட்டதால் போலீசார் கைது செய்தனர்.



திருப்பூர் குமரன் நினைவகம் முன்பு காங்கிரஸ் கட்சி சார்பில் அத்தியாவசிய பொருட்களின் விலைவாசி உயர்வை கண்டித்தும் பெட்ரோல் டீசல் சமையல் எரிவாயு விலை உயர்வை கட்டுப்படுத்தாத ஒன்றிய பாஜக அரசு கண்டித்தும் அமலாக்கதுறையை கையில் வைத்துக்கொண்டு எதிர்க்கட்சியினர் மீது பழிவாங்கும் நடவடிக்கையில் ஈடுபடும் ஒன்றிய அரசை கண்டித்து முழக்கங்கள் எழுப்பி ஆர்ப்பாட்டத்தில் ஈடுபட்டனர்.



பின்னர் அங்கிருந்து ஊர்வலமாக சென்று தபால் நிலையத்தை முற்றுகையிட்டனர். பின்னர்சாலையில் அமர்ந்து மறியல் போராட்டத்தில் ஈடுபட்டனர்.இதையடுத்து போராட்டத்தில் ஈடுபட்ட திருப்பூர் மாநகர் மாவட்ட தலைவர் கிருஷ்ணன் உள்ளிட்ட நூற்றுக்கும் மேற்பட்டவர்களை போலீசார் கைது செய்து அருகே உள்ள திருமண மண்டபத்திற்கு அழைத்துச் சென்றனர். இந்தப் போராட்டத்தால் அப்பகுதியில் சிறிது நேரம் பரபரப்பு ஏற்பட்டது.