அதிமுக கோவை மாவட்ட புறநகர் தெற்கு மாவட்ட எம்ஜிஆர் இளைஞர் அணி செயலாளர் சந்திரசேகர் வீட்டில் வருமான வரித்துறையினர் சோதனை..!

கோவை: அதிமுக கோவை மாவட்ட புறநகர் தெற்கு மாவட்ட எம்ஜிஆர் இளைஞர் அணி செயலாளர் சந்திரசேகர் வீட்டில் வருமான வரித்துறையினர் சோதனை நடத்தி வருகின்றனர்.

கோவை அதிமுக புறநகர் தெற்கு மாவட்ட எம்.ஜி.ஆர் இளைஞரணி செயலாளர் பொறுப்பில் வடவள்ளி பகுதியைச் சேர்ந்த சந்திரசேகர் இருந்து வருகிறார். அதிமுகவின் அதிகாரப்பூர்வ நாளிதழான நமது அம்மாவின் வெளியீட்டாளராக இருக்கும் இவர் முன்னாள் அமைச்சர் எஸ்.பி வேலுமணிக்கு நெருக்கமானவராக கருதப்படுகிறார்.

கடந்த ஆண்டு மற்றும் கடந்த மார்ச் மாதம் அதிகாரிகள் வேலுமணி, சந்திரசேகர் சம்பந்தப்பட்ட இடங்களில் சோதனை நடத்தினர்.



இந்நிலையில், இன்று காலை முதல் சந்திரசேகர் சம்பந்தப்பட்ட இடங்களில் வருமான வரித்துறை அதிகாரிகள் சோதனை நடத்தி வருகின்றனர்.



அதன் ஒரு பகுதியாக வடவள்ளியில் உள்ள அவரது இல்லம் உள்ளிட்ட 6 இடங்களில் அதிகாரிகள் சோதனை நடத்தி வருகின்றனர்.



வடவள்ளியில் உள்ள அவர் வீட்டில் சுமார் 8 அதிகாரிகள் தீவிர சோதனையில் ஈடுபட்டு வருகின்றனர். இவரது மனைவி சர்மிளா கோவை மாநகராட்சி 38-வது வார்டு கவுன்சிலர் என்பது குறிப்பிடத்தக்கது.