கோவை வால்பாறையில் 300 கிராம் கஞ்சா விற்பனை செய்த வாலிபர் கைது!

கோவை: கோவை வால்பாறை பகுதியில் சந்தேகத்திற்கிடமாக சுற்றித்திரிந்த ஒருவரை பிடித்து விசாரணை செய்ததில் 300 கிராம் கஞ்சா பொட்டலம் விற்பனை செய்தது தெரிய வந்ததைத் தொடர்ந்து அவர் மீது வழக்குப் பதிவு செய்து கைது செய்தனர்.

கோவை மாவட்டம் வால்பாறை பகுதியில் சில தினங்களாக கஞ்சா விற்பனை செய்யும் நபர்களை காவல்துறையினர் கண்டுபிடித்து கைது செய்து வருகின்றனர். இந்நிலையில் இன்று வால்பாறை டவுன் பகுதியில் கக்கன் காலனி, மார்க்கெட், பள்ளிவாசல் போன்ற பகுதிகளில் சந்தேகத்திற்கிடமாக ஒருவர் சுற்றி திரிவதாக காவல்துறைக்கு தகவல் வந்தது. இதையடுத்து அப்பகுதியில் போலீசார் சோதனையில் ஈடுபட்டனர். அப்போது அங்கு ஒருவர் சுற்றி திரிவதை உறுதி செய்து, அவரை அழைத்து விசாரணை செய்தனர்.

விசாரணையில் அவர் அருண்குமார் என்பதும் கக்கன் காலனி பகுதியை சேர்ந்தவர் என்பதும் தெரியவந்தது. மேலும், அவரிடம் விசாரணை செய்து பரிசோதனை செய்து பார்த்ததில் 300 கிராம் கஞ்சா பொட்டலம் விற்பனை செய்தது தெரிய வந்தது. இதைத் தொடர்ந்து அவர் மீது வழக்குப்பதிவு செய்து கைது செய்தனர். மேலும் கஞ்சா விற்பனை செய்யும் நபர்களை பார்த்தாலோ யாரேனும் சந்தேகத்துடன் சுற்றி திரிந்தால் வால்பாறை காவல் நிலையம் 222201 என்ற தொலைபேசி எண்ணிற்கு தகவல் தெரிவிக்குமாறு வால்பாறை காவல் ஆய்வாளர் கற்பகம் தெரிவித்து உள்ளார்.