கலைஞர் பிறந்தநாளை அரசு விழாவாக கொண்டாட முதல்வர் முக.ஸ்டாலின் அறிவித்திருந்ததை அடுத்து, இன்று கோவை மாவட்ட ஆட்சியர் அலுவலகத்தில் கலைஞரின் அரசியல் வாழ்க்கை மற்றும் மக்கள் நல திட்ட புகைப்பட கண்காட்சி ஏற்பாடு செய்யப்பட்டுள்ளது.
கோவை: முன்னாள் முதல்வர் கலைஞர் கருணாநிதியின் 99வது பிறந்த நாள் தமிழகம் முழுவதும் திமுகவினரால் கொண்டாடப்பட்டு வருகிறது.
மேலும் கலைஞர் பிறந்தநாளை அரசு விழாவாக கொண்டாட முதல்வர் முக.ஸ்டாலின் அறிவித்திருந்ததை அடுத்து, இன்று கோவை மாவட்ட ஆட்சியர் அலுவலகத்தில் கலைஞரின் அரசியல் வாழ்க்கை மற்றும் மக்கள் நல திட்ட புகைப்பட கண்காட்சி ஏற்பாடு செய்யப்பட்டுள்ளது. இந்த புகைப்பட கண்காட்சியைமாவட்ட ஆட்சியர் ஜி எஸ்.சமீரன் பார்வையிட்டார்.
இந்த புகைப்பட கண்காட்சியில் கலைஞர் முதல்வராக பொறுப்பேற்ற நிகழ்வு முதல் அவர் அரசியல் வாழ்வில் நடந்த முக்கிய நிகழ்வுகளின் புகைப்படங்கள், முன்னாள் பிரதமர்கள் போன்ற முக்கிய அரசியல் பிரமுகர்களுடன் நடந்த சந்திப்புகள், தமிழக முன்னாள் முதலமைச்சர்கள், பெரியார், அப்துல்கலாம் ஆகியோரைசந்தித்த தருணங்கள், மக்கள் நலத்திட்டங்கள் வழங்கிய போது எடுக்கப்பட்ட புகைப்படங்கள் காட்சிப்படுத்தப்பட்டு இருந்தது.
மேலும், கோவை மாவட்டத்தில் 2010-ம் ஆண்டு நடைபெற்ற செம்மொழி மாநாட்டில் கலைஞர் கோவை மாவட்டத்திற்கு வழங்கிய நலத்திட்ட புகைப்படங்களும் இந்த புகைப்பட கண்காட்சியில்காட்சிப்படுத்தப்பட்டுள்ளது.
