பேட்மிட்டன் போட்டியில் வெற்றி பெற்ற போலீசாரை பாராட்டிய ஆணையர்

கோவை: கோவையில் கேரளா கிளப் சார்பில் பேட்மிட்டன் போட்டிகள் கடந்த 4-ம் தேதி தொடங்கி நடைபெற்றது.

இதில், காவல்துறை, பத்திரிகை துறை மற்றும் கேரளா கிளப் சார்பில் 25 அணிகள் கலந்து கொண்டன. இதன் இறுதிப்போட்டி எ.டி.டி. காலனியில் உள்ள கேரளா கிளப்பில் நேற்று (16-ம் தேதி) நடைபெற்றது. இதில், காவல்துறை அணிக்கு விளையாடிய பிரவின் கணேஷ் மற்றும் லோகேஷ் அணி வெற்றிபெற்றது.

தொடர்ந்து, அவர்களுக்கு பரிசுகள் வழங்கப்பட்டன. பரிசுகளை மாநகர காவல் ஆணையர் பெரியய்யா, உதவி ஆணையர் நாகராஜ், தினமலர் நிருபர் செல்வகுமார், கேரளா கிளப் தலைவர் குமரன் ஆகியோர் வழங்கினர்.