இந்தோனேசியா மாஸ்டர்ஸ் பாட்மிண்டன் : சிந்துவை வீழ்த்தி அரையிறுதிக்கு முன்னேறினார் சாய்னா

ஜனவரி 26

இந்தோனேசியா மாஸ்டர்ஸ் பாட்மிண்டன் தொடரின் அரையிறுதி போட்டிக்கு இந்திய வீராங்கனை சாய்னா நேவால் முன்னேறியுள்ளார். 

இந்தோனேசியா மாஸ்டர்ஸ் சூப்பர்சீரிஸ் பாட்மிண்டன் தொடர் போட்டிகள் 23-ம் தேதி தொடங்கின. இதன் பெண்கள் ஒற்றையர் பிரிவின் காலிறுதி சுற்று ஆட்டங்கள் இன்று நடைபெற்றன. ஒரு ஆட்டத்தில் இந்திய வீராங்கனைகளான சாய்னா நேவாலும், பி.வி.சிந்துவும் மோதினர். இப்போட்டியில் அதிரடியாக விளையாடிய சாய்னா முதல் செட்டை 21-13 என கைப்பற்றினார். தொடர்ந்து, 2-வது செட்டிலும் ஈடுகொடுக்க முடியாமல் சிந்து திணறினார். இருப்பினும், ஒருகட்டத்தில் இருவரிடைய கடும் சவால் ஏற்பட்டது. இறுதியில். சிறப்பாக விளையாடிய சாய்னா இரண்டாவது செட்டையும் 21-19 என கைப்பற்றினார். இதன்மூலம் 21-12, 21-18 என்ற நேர் செட்களில் வெற்றி பெற்ற சாய்னா நேவால் அரையிறுதி சுற்றுக்கு முன்னேறினார்.