இந்தோனேசியா பாட்மிண்டன் போட்டி : காலிறுதிக்கு முன்னேறிய இந்திய வீராங்கனைகள்

ஜனவரி 25

இந்தோனேசியா மாஸ்டர்ஸ் பாட்மிண்டன் போட்டியில் இந்திய வீராங்கனைகள் சாய்னா, சிந்து காலிறுதிக்குள் நுழைந்தனர். 

தலைநகர் ஜகார்தாவில் நடைபெற்று வரும் இத்தொடரின் பெண்கள் ஒற்றையர் பிரிவு 2-வது சுற்று ஆட்டத்தில் இந்தியாவின் சாய்னா, சீனாவின் சென் சியாக்சினுடன் மோதினார். ஆரம்ப முதலே ஆக்ரோஷமாக செயல்பட்ட சாய்னா, முதல்செட்டை 21-12 எனக் கைப்பற்றினார். தொடர்ந்து அசத்திய அவர், 2-வது செட்டையும் 21-18 என தன்வசப்படுத்தினார். இதன்மூலம், 21-12, 21-18 என்ற நேர் செட் கணக்கில் வெற்றி பெற்று காலிறுதிக்கு முன்னேறினார். 

மற்றொரு ஆட்டத்தில், ஆட்டத்தில் மூன்றாம் நிலை வீராங்கனையான இந்தியாவின் பி.வி.சிந்து, மலேசியாவின் கோ ஜின் வேய்யை எதிர்கொண்டார்.

இப்போட்டியில் அதிரடியாக விளையாடிய சிந்து முதல் செட்டை 21-12 என கைப்பற்றினார். தொடர்ந்து சிறப்பாக விளையாடிய சிந்து இரண்டாவது செட்டையும் 21-9 என எளிதாக கைப்பற்றினார். இதன்மூலம் 21-12, 21-9 என்ற நேர் செட்களில் வெற்றி பெற்ற சிந்து காலிறுதிக்குள் நுழைந்தார்.  

ஆண்கள் இரட்டையர் பிரிவு 2-வது சுற்றில் சாட்விக்சாய்ராஜ், சிராக் ஷெட்டி ஜோடி, 21-17, 21-16 என்ற நேர்செட் கணக்கில் சீன தைபேயின் லியாயு, சூசெங் ஜோடியை வீழ்த்தி காலிறுதிக்கு தகுதி பெற்றது.