கோவை கணபதி பகுதியில் உள்ள தனியார் பள்ளியில், சர்வதேச தாய்மொழி தினத்தை முன்னிட்டு விழிப்புணர்வை ஏற்படுத்தும் வகையில், 9 வயது சிறுவன் ஜிஷ்ணு ஜீவித், ஒற்றை ரிப்பன் சிலம்பத்தை 7 மணி நேரம் சுழற்றியது சாதனையாக அங்கீகரிப்பு.
கோவை: கோவை அருகே 7 மணி நேரம் சிலம்பம் சுழற்றி ஒன்பது வயது சிறுவன் சாதனை படைத்துள்ளார்.
கோவை சின்னவேடம்பட்டியில் உள்ள முல்லை தற்காப்பு கலை மற்றும் விளையாட்டு அகாடமி, 5 வயதுக்கு மேற்பட்ட மாணவர்களுக்கு சிலம்பம், ஆதிமுறை, வேல்கம்பு, வாள் சண்டை, வளரி மண்கொம்பு, சுருள் வால் (சுருட்டு கத்தி) உள்ளிட்ட இந்தியாவின் பாரம்பரிய தற்காப்புக் கலைகளில் பயிற்சி அளித்து வருகிறது.
இந்த அகாடமியுடன் தொடர்புடைய மாணவர்கள் தொடர்ந்து உலக சாதனைகள் மற்றும் பிற சாதனைகளை படைத்து வருகின்றனர்.
சர்வதேச தாய்மொழி தினத்தை முன்னிட்டு விழிப்புணர்வை ஏற்படுத்தும் வகையில், சின்னவேடம்பட்டியைச் சேர்ந்த, மாணவர் ஜிஷ்ணு ஜீவித், ஒற்றை ரிப்பன் சிலம்ப குச்சியை 7 மணி நேரம் தொடர்ந்து சுழற்றி சாதனை முயற்சியில் ஈடுபட்டார்.
இது இந்தியன் புக் ஆஃப் ரெக்கார்ட்ஸ், அமெரிக்கன் புக் ஆஃப் ரெக்கார்ட்ஸ் மற்றும் ஐரோப்பிய புக் ஆஃப் ரெக்கார்ட்ஸ் ஆகியவற்றில் மூன்று நீதிபதிகள் மற்றும் அகாடமி உறுப்பினர்கள் முன்னிலையில் இந்த சாதனை பதிவு செய்யப்பட்டுள்ளது.