மாநில அளவிலான கூடைப்பந்து போட்டி: பி.எஸ்.ஜி கலைக்கல்லூரி சாம்பியன்!

கோவை: பி.எஸ்.ஜி கலை மற்றும் அறிவியல் நடைபெற்ற மாநில அளவிலான பி.எஸ்.ஜி டிராபிக்கான கூடைப்பந்து போட்டியில் பி.எஸ்.ஜி கலை மற்றும் அறிவியல் கல்லூரி சாம்பியன் ஆனது.

பி.எஸ்.ஜி கலை மற்றும் அறிவியல் கல்லூரி கடந்த பிப்ரவரி 11ம் தேதி முதல் 13ம் தேதி வரை பி.எஸ்.ஜி கலைக்கல்லூரி வளாகத்தில் உள்ளரங்க கூடைப்பந்து மைதானத்தில் 'பி.எஸ்.ஜி டிராபி'க்காக 46வது மாநில அளவிலான கல்லூரிகளுக்கிடையிலான கூடைப்பந்து போட்டியை ஏற்பாடு செய்தது.

லீக் கம் நாக் அவுட் அடிப்படையில் நடத்தப்பட்ட இந்த போட்டியில், தமிழ்நாடு முழுவதும் உள்ள கல்லூரிகளைச் சேர்ந்த முதல் எட்டு கூடைப்பந்து அணிகள் பங்கேற்றன. இதில் இரண்டு குழுக்களாக அணிகள் பிரிக்கப்பட்ட நிலையில், ஏ மற்றும் பி பிரிவில் முதல் இரண்டு இடங்களைப் பிடித்த அணிகள் அரையிறுதிக்கு தகுதி பெற்றன.



இதில் பி.எஸ்.ஜி கல்லூரி, திருச்சியைச் சேர்ந்த செயின்ட் ஜோசப் கல்லூரி, சென்னையைச் சேர்ந்த சத்யபாமா பல்கலைக்கழகம் மற்றும் திருச்சியைச் சேர்ந்த பிஷப் ஹெபர் கல்லூரி ஆகிய நான்கு அணிகளும் அரையிறுதிக்கு தகுதி பெற்றன.

போட்டியின் முதல் அரையிறுதியில், சத்யபாமா பல்கலைக்கழகத்தை 85:70 என்ற கணக்கில் தோற்கடித்து பி.எஸ்.ஜி கல்லூரி இறுதிப் போட்டிக்கு தகுதி பெற்றது. இரு திருச்சி அணிகள் மோதிய இரண்டாவது அரையிறுதியில், புனித ஜோசப் கல்லூரி, பிஷப் ஹெபரை 61:50 என்ற கணக்கில் தோற்கடித்து இறுதிப் போட்டிக்கு நுழைந்துள்ளது.



இறுதிப் போட்டியில், திருச்சியைச் சேர்ந்த செயின்ட் ஜோசப் கல்லூரியை 63-44 என்ற கணக்கில் தோற்கடித்து பி.எஸ்.ஜி கல்லூரி சாம்பியன் பட்டத்தை தட்டிச்சென்றது. போட்டிகளில் மூன்றாவது மற்றும் நான்காவது இடத்தை முறையே சத்யபாமா பல்கலைக்கழகம் மற்றும் பிஷப் ஹெபர் கல்லூரி பெற்றன.

பின்னர் போட்டியில் வெற்றி பெற்றவர்களுக்கு மாருதி உடற்கல்வி கல்லூரி முதல்வர் வி.எஸ்.டி சசிகுமார், பி.எஸ்.ஜி கல்லூரி முதல்வர் பிருந்தா, பி.எஸ்.ஜி கல்லூரி செயலாளர் டி கண்ணையன், பி.எஸ்.ஜி கல்லூரி இயற்பியல் இயக்குநர் பி நவநீதன், பி.எஸ்.ஜி கல்லூரி உதவி இயற்பியல் இயக்குநர் ஆர்.சவுந்தரராஜன் ஆகியோர் கோப்பைகள் மற்றும் சான்றிதழ்களை வழங்கினார்.