பாரதியார் பல்கலைக்கழக ஆண்கள் கைப்பந்து போட்டி : பி.எஸ்.ஜி கல்லூரி சாம்பியன்

கோவை : கே.பி.ஆர் கலை மற்றும் அறிவியல் கல்லூரியில் நடைபெற்ற கல்லூரிகளுக்கு இடையிலான கைப்பந்து போட்டியில் அரசு கலைக் கல்லூரியை வீழ்த்திய பி.எஸ்.ஜி கலைக் கல்லூரி அணி சாம்பியன் பட்டத்தைக் கைப்பற்றியது.



நாக் அவுட் முறையில், கேபிஆர் நிறுவனங்களில் புதன்கிழமை தொடங்கப்பட்ட இந்த போட்டியில் 20க்கும் மேற்பட்ட கல்லூரிகள்.பங்கேற்றன. இதில் பி.எஸ்.ஜி, ஆர்.வி.எஸ், அரசு கலைக் கல்லூரி மற்றும் கோவை கலைமகள் கலை மற்றும் அறிவியல் கல்லூரி ஆகியவை அரையிறுதிக்குத் தகுதி பெற்றது.

இதில் இறுதிப் போட்டியில், கோவை அரசு கலைக் கல்லூரியை எதிர்த்து விளையாடிய பி.எஸ்.ஜி கல்லூரி ஆரம்பம் முதலே ஆதிக்கம் செலுத்தியது. இதன் மூலம் 2-0 என்ற கணக்கில் வெற்றி பெற்று கோப்பையைக் கைப்பற்றியது.



மூன்றாம் மற்றும் நான்காவது இடத்திற்கான ஆர்.வி.எஸ் மற்றும் கோவை கலைமகள் இடையேயான போட்டியில், ஆர்.வி.எஸ் கலை மற்றும் அறிவியல் கல்லூரி மூன்றாம் இடத்தைப் பெற்றது.

கே.பி.ஆர் கல்லூரி முதல்வர் டாக்டர் எஸ்.பாலுசாமி, இயற்பியல் இயக்குநர்கள் தம்பிதுரை மற்றும் ஸ்டாலின் ஆகியோர் வெற்றியாளர்களுக்குப் பரிசுகளை வழங்கினர்.