கோவை மாநகராட்சி: குடிநீர் குறைகளை மண்டல வாரிய எண்களில் தெரிவிக்கலாம்

Coimbatore: தமிழ்நாடு முதலமைச்சரின் வழிகாட்டுதலின்படி, கோவை மாநகராட்சிக்கு உட்பட்ட கிழக்கு, மேற்கு, வடக்கு, தெற்கு மற்றும் மத்தியம் ஆகிய 5 மண்டலங்களுக்குட்பட்ட 100 வார்டு பகுதிகளில் உள்ள பொதுமக்களுக்கு குடிநீர், சாலை வசதி, மின்விளக்கு உள்ளிட்ட அடிப்படை வசதிகளை நிறைவேற்றும் வகையில் பல்வேறு நடவடிக்கைகள் மேற்கொள்ளப்பட்டு வருகின்றன.




குறிப்பாக தற்போதைய கோடைகாலத்தில் பொதுமக்களுக்கு தடையின்றி சீரான இடைவேளையில் குடிநீர் வழங்கப்பட்டு வருகிறது. பழுதடைந்த ஆழ்துளை கிணறுகளும் சரி செய்யப்பட்டு குடிநீர் விநியோகம் செய்யப்பட்டு வருகின்றன.




பொதுமக்கள் தங்கள் பகுதியில் குடிநீர் தொடர்பான குறைகள் இருப்பின், வாட்ஸ் அப் எண் 819000 00200 மற்றும் கிழக்கு மண்டலம் (East Zone): 89258 40945, மேற்கு மண்டலம் (West Zone): 89259 75981, வடக்கு மண்டலம் (North Zone): 89259 75980, தெற்கு மண்டலம் (South Zone): 90430 66114, மற்றும் மத்திய மண்டலம் (Central Zone): 89259 75982 ஆகிய எண்களில் குறைகள் மற்றும் புகார்களை தெரிவித்துக் கொள்ளலாம்.




குடிநீர் விநியோகம் தொடர்பாக பொதுமக்கள் அளிக்கும் புகார் மீது உடனடி நடவடிக்கை மேற்கொள்ளப்படும் என கோவை மாநகராட்சி ஆணையர் M Sivaguru Prabhakaran தெரிவித்துள்ளார்.