உடுமலையில் கம்பு அறுவடை தீவிரம் - விவசாயிகள் மகிழ்ச்சி!

திருப்பூர்: கோடை காலத்தில், கம்பங்கூழ் உட்பட கம்பு சார்ந்த உணவுப்பொருட்களுக்கு, கிராக்கி அதிகரித்து, நல்ல விலை கிடைக்கும்.

அதை, அடிப்படையாக கொண்டு, உடுமலை, குடிமங்கலம் வட்டாரத்தில், கம்பு பரவலாக சாகுபடி செய்யப்பட்டு அறுவடைக்கு தயாராகி வருகிறது.



இது குறித்து வேளாண்துறையினரிடம் கேட்டபோது,

கிணற்றுப்பாசன சாகுபடியில், கோவை வேளாண் பல்கலை.,யின், வீரிய ஒட்டு ரக விதைகளே பரவலாக பயன்படுத்தப்படுகிறது. கம்பு குறைந்த நீர் மற்றும் மண்வளம் உள்ள இடங்களிலும் செழித்து வளரும்.



மற்ற தானியங்களை விட அதிகமான சத்துக்களை கொண்டுள்ளது. இதைக் கால்நடை தீவனமாகவும் பயன்படுத்தலாம். எனவே, இடைபட்டத்திலும், இச்சாகுபடியைவிவசாயிகள் மேற்கொள்கின்றனர், என்றனர்.