தாராபுரம் அருகே மக்காச்சோளம் ஏலம் ரூ.3.50 லட்சத்திற்கு விற்பனை

திருப்பூர்: திருப்பூர் மாவட்டம் தாராபுரம் அடுத்த திருப்பூர் விற்பனை குழுவின் அலங்கியம் ஒழுங்குமுறை விற்பனை கூடத்தில் மக்காச்சோளத்திற்கான மறைமுக ஏலம் நடைபெற்றது.

இதற்காக, திருப்பூர், திண்டுக்கல் மாவட்டங்களைச் சேர்ந்த விவசாயிகள் 15,717 கிலோ மக்காச்சோளத்தை விற்பனைக்காக கொண்டு வந்தனர். அதில், திருப்பூர், திண்டுக்கல் மாவட்டங்களைச் சேர்ந்த வியாபாரிகளும் கலந்து கொண்டனர்.

அதிகபட்சமாக குவிண்டால் ஒன்று ரூ. 2226க்கும் குறைந்தபட்சமாக ரூ.2180க்கும் மக்காச்சோளம் ஏலம் போனது. இதன்மூலம், மொத்தமாக மூன்று புள்ளி ஐந்து லட்சத்திற்கு மக்காச்சோளம் விற்பனையானது.

ஏலத்துக்கான ஏற்பாடுகளை மேற்பார்வையாளர் அருள்குமார் செய்திருந்தார்.