சின்ன வெங்காயத்திற்கான விலை முன்னறிவிப்பு - கோவை வேளாண் பல்கலை வெளியீடு

கோவை: சின்ன வெங்காயத்திற்கான சராசரி பண்ணை விலை கிலோ ரூ.35 முதல்‌ ரூ.40 வரை இருக்கும் என தமிழ்நாடு பாசன விவசாய மேம்பாட்டு திட்டத்தின் மூலம் கணிக்கப்பட்டுள்ளது.

இதுதொடர்பாக வெளியிடப்பட்டுள்ள அறிக்கையில் தெரிவிக்கப்பட்டுள்ளதாவது,

தமிழ்நாடு, கர்நாடகா, ஆந்திர பிரதேசம்‌ மற்றும்‌ ஒடிசா ஆகிய மாநிலங்களில்‌ சின்ன வெங்காயம்‌ அதிகளவு பயிரிடப்படுகிறது. சின்ன வெங்காயம்‌ பயிரிடப்படுவதிலும்‌, வியாபாரம்‌ செய்வதிலும்‌ தமிழகத்திற்கு கர்நாடகா முக்கிய போட்டியாளராக திகழ்கிறது.

தமிழ்நாடு தோட்டக்கலை மற்றும்‌ தோட்டப்பயிர் துறையின்‌ அறிக்கையின்‌ படி, 2020-21ஆம்‌ ஆண்டில்‌ தமிழ்நாட்டில்‌ சின்ன வெங்காயம்‌ 0.51 லட்சம்‌ எக்டர்‌ பரப்பளவில்‌ பயிரிடப்பட்டு 3.80 லட்சம்‌ டன்கள்‌ உற்பத்தி செய்யப்பட்‌டுள்ளது.

தமிழ்நாட்டில் , மொத்த வெங்காய பரப்பளவில்‌ 80 சதவீதத்திற்கும்‌ மேல்‌ சின்ன வெங்காயமும்‌ மீதம்‌ பெல்லாரி வெங்காயமும்‌ பயிரிடப்படுகின்றன.

திண்டுக்கல்‌, திருப்பூர்‌, பெரம்பலூர்‌, திருச்சி மற்றும்‌ நாமக்கல்‌ ஆகிய மாவட்டங்களில்‌ சின்ன வெங்காயம் அதிகளவு பயிரிடப்படுகிறது‌. தற்போது, கோவை சந்தைக்கு ராசிபுரம்‌, துறையூர்‌, சத்தியமங்கலம்‌ மற்றும்‌ திருப்பூர்‌ உள்ளிட்ட பகுதிகளில்‌ இருந்து சின்ன வெங்காயம்‌ வருகிறது.

வர்த்தக மூலங்களின்படி, கர்நாடகா மற்றும்‌ தமிழ்நாட்டில்‌ பெய்த பருவமழை காரணமாக பயிர்‌ சேதமடைந்துள்ள காரணத்தால்‌ தமிழ்நாட்டு சந்தைக்கு சின்னவெங்காயம்‌ வரத்து குறைந்துள்ளது. இதனால்‌ சின்ன வெங்காயத்தின்‌ விலை சமீப காலமாக அதிகரித்து காணப்பட்டது.

நடப்பாண்டின்‌ பயிர்‌ அறுவடை மற்றும்‌ கர்நாடக வரத்து காரணமாக பிப்ரவரி - மார்ச்‌ 2023-ல்‌ சின்ன வெங்காயத்தின்‌ விலை குறைய வாய்ப்புள்ளது என எதிர்பார்க்கப்படுகிறது.

விலை முன்னறிவிப்பு த்‌ திட்டமானது, கடந்த 23 ஆண்டுகளாக திண்டுக்கல்‌ சந்தையில்‌ நிலவிய சின்ன வெங்காயம்‌ விலை மற்றும்‌ சந்தை ஆய்வுகளை மேற்கொண்டது. ஆய்வுகளின்‌ அடிப்படையில்‌, தரமான சின்ன வெங்காயத்தின்‌ சராசரி பண்ணை விலை பிப்ரவரி முதல்‌ மார்ச்‌ 2023 வரை கிலோவிற்கு ரூ. 35 முதல்‌ ரூ.40 வரை இருக்கும்‌ என கணிக்கப்பட்டுள்ளது.

எனவே, விவசாயிகள்‌ மேற்கூறிய சந்தை ஆலோசனை அடிப்படையில்‌, விதைப்பு முடிவுகளை எடுக்குமாறு பரிந்துரைக்கப்படுகின்றனர்‌.

மேலும்‌ விவரங்களுக்கு:

உள்நாட்டு மற்றும்‌ ஏற்றுமதி சந்தை தகவல்‌ மையம்‌

வேளாண்‌ மற்றும்‌ ஊரக மேம்பாட்டு ஆய்வு மையம்‌

தமிழ்நாடு வேளாண்மைப்‌ பல்கலைக்கழகம்‌,

கோயம்புத்தூர்‌- 641 003

தொலை பேசி - 0422- 2431405

இயக்குனர்‌ மற்றும்‌ முனை அதிகாரி

தமிழ்நாடு நீர்வள நிலவளத்‌ திட்டம்

நீர்‌ நுட்ப மையம்‌

தமிழ்நாடு வேளாண்மைப்‌ பல்கலைக்கழகம்‌,

கோயம்புத்தூர்‌- 641003

தொலை பேசி - 0422- 6611278

பேராசிரியர்‌ மற்றும்‌ தலைவர்‌

காய்கறிப்‌ பயிர்கள்‌ துறை

தமிழ்நாடு வேளாண்மைப்‌ பல்கலைக்கழகம்‌

கோயம்புத்தூர்‌ 641003

தொலை பேசி - 0422-6611374 ஆகிய முகவரிக்கு தொடர்பு கொள்ளவும்.

இவ்வாறு அறிக்கையில் தெரிவிக்கப்பட்டுள்ளது.