தேங்காய்‌ மற்றும்‌ கொப்பரைக்கான விலை முன்னறிவிப்பு - தமிழ்நாடு வேளாண்மை பல்கலைக்கழகம் அறிவிப்பு!

கோவை: தேங்காய்‌ மற்றும்‌ கொப்பரைக்கான விலை முன்னறிவிப்பை தமிழ்நாடு வேளாண்மை பல்கலைக்கழகம் அறிவித்துள்ளது.

தேசிய தோட்டக்கலை வாரியத்தின்‌ இரண்டாவது முன்‌ கூட்டிய மதிப்பீட்டின்‌ படி, 2019 -20 ஆண்டில்‌, தேங்காய்‌ 21.53 இலட்சம்‌ எக்டர்‌ பரப்பளவில்‌ பயிரிடப்பட்டு 146.95 இலட்சம்‌ டன்கள்‌ உற்பத்தி செய்யப்படுவதாக குறிப்பிடப்பட்டுள்ளது. கேரளா, தமிழ்நாடு, கர்நாடகா மற்றும்‌ ஆந்திரபிரதேசம்‌ ஆகிய மாநிலங்கள்‌ சேர்ந்து நாட்டின்‌ மொத்த தேங்காய்‌ உற்பத்தியில்‌ 91 சதவீதம்‌ பங்களிக்கின்றன.

தமிழ்நாட்டில்‌, 2019-20 ஆம்‌ ஆண்டில்‌ 437 இலட்சம்‌ எக்டர்‌ பரப்பளவில்‌ தேங்காயானது பயிரிடப்பட்டு 37.01 லட்சம்‌ டன்கள்‌ உற்பத்தி செய்யப்பட்டுள்ளது. கோயம்புத்தூர்‌, திருப்பூர்‌, தஞ்சாவூர்‌, திண்டுக்கல்‌ மற்றும்‌ கன்னியாகுமரி ஆகியவை தேங்காய்‌ உற்பத்தி செய்யும்‌ முக்கிய மாவட்டங்களாகும்‌.

வர்த்தக மூலகங்களின்‌ படி, தேங்காய்‌ உற்பத்தி செய்யும்‌ மாவட்டங்களின்‌ உற்பத்தியை, முந்தைய பருவத்துடன்‌ ஓப்பிடும்‌ போது, இப்பருவத்தில்‌ ஓரளவு குறைவாகவே உள்ளது. கோவிட்‌-19 காரணமாக மாவட்ட போக்குவரத்துகள்‌ வரையறுக்கப்பட்டுள்ளதால்‌ பெருந்துறை சந்தைக்கு, ஈரோடு மற்றும்‌ அதன்‌ சுற்றுப்புற பகுதிகளிலிருந்து மட்டுமே கொப்பரை வரத்து வருகிறது. மேலும்‌, உணவு விடுதிகள், சுபநிகழ்ச்சிகள்‌ மற்றும்‌ விடுதிகளில்‌ குறைந்தளவு தேவைகள்‌ இருப்பினும்‌ மக்களின்‌ தேவைகளால்‌ சில்லரை விலை மாறாமல்‌ நிலையாக உள்ளது.

இச்சூழலில்‌, விவசாயிகள்‌ விற்பனை முடிவுகளை எடுக்க ஏதுவாக தமிழ்நாடு வேளாண்மைப்‌ பல்கலைக்கழகத்தின்‌ வேளாண்‌ மற்றும்‌ ஊரக மேம்பாட்டு ஆய்வு மையத்தில்‌ இயங்கிவரும்‌ தமிழ்நாடு பாசன விவசாய மேம்பாட்டு திட்டத்தின்‌ விலை முன்னறிவிப்புத்‌ திட்டம்‌, கடந்த 10 ஆண்டுகளாக ஈரோட்டில்‌ உள்ள அவல்பூந்துறை ஒழுங்குமுறை விற்பனைகூடத்தில்‌ நிலவிய தேங்காய்‌ மற்றும்‌ கொப்பரை விலையினை ஆய்வு செய்தது. மேலும்‌ பெருந்துறை வேளாண்‌ உற்பத்தி கூட்டுறவு விற்பனை மையத்தில்‌ சந்தை ஆய்வுகளும்‌ மேற்கொள்ளப்பட்டது.

ஆய்வு முடிவின்‌ அடிப்படையில்‌ ஆகஸ்ட்‌ - செப்டம்பர்‌, 2020 வரை தரமான தேங்காயின்‌ பண்ணை விலை ரூ.14 முதல்‌ ரூ.15 வரை இருக்கும்‌ மற்றும்‌ நல்ல தரமான கொப்பரை கிலோவுக்கு ரூ.90 முதல்‌ ரூ.95 வரை இருக்கும்‌. எனவே, விவசாயிகள்‌ மேற்கூறிய சந்தை ஆலோசனை அடிப்படையில்‌ விற்பனை முடிவுகளை எடுக்குமாறு பரிந்துரைக்கப்படுகின்றனர்‌.

மேலும்‌ விவரங்களுக்கு, தொடர்பு கொள்ளவும்‌

உள்நாட்டு மற்றும்‌ ஏற்றுமதி சந்தைத்‌ தகவல்‌ மையம்‌

வேளாண்‌ மற்றும்‌ ஊரக மேம்பாட்டு ஆய்வு மையம்‌

தமிழ்நாடு வேளாண்மைப்‌ பல்கலைக்கழகம்‌

கோயம்புத்தூர்‌ - 641 003

தொலைபேசி - 0422-2431405

தொழில்நுட்ப விவரங்களுக்கு, தொடர்பு கொள்ளவும்‌

பேராசிரியர்‌ மற்றும்‌ தலைவர்‌,

வாசனை மற்றும்‌ மலைத்தோட்ட பயிர்கள்‌ துறை

தமிழ்நாடு வேளாண்மைப்‌ பல்கலைக்கழகம்‌

கோயம்புத்தூர்‌ - 641 003

தொலைபேசி - 0422-2431405