வாழைக்கான விலை முன்னறிவிப்பு - பருவநிலை பொறுத்து மாறுபடும்‌ என அறிவிப்பு

தேசிய தோட்டக்கலை வாரியத்தின்‌ முதலாவது முன்கூட்டிய அறிக்கையின்‌ படி, 2018-19ம்‌ ஆண்டு இந்தியாவில்‌ வாழை 8.74 லட்சம்‌ எக்டர்‌ பரப்பளவில்‌ சாகுபடி செய்யப்பட்டு 300.06 லட்சம்‌ டன்கள்‌ உற்பத்தியாகும்‌ என்று அறிவித்துள்ளது.

இந்தியாவில்‌ கர்நாடகா, தமிழ்நாடு, ஆந்திரப்பிரதேசம்‌, கேரளா மற்றும்‌ மஹாராஷ்டிரா ஆகியவை வாழை பயிரிடப்படும்‌ முக்கிய மாநிலங்களாகும்‌. தமிழகத்தில்‌ கோயமுத்தூர்‌, தேனி, திருச்சி, திருநெல்வேலி, தூத்துக்குடி மற்றும்‌ கன்னியாகுமரி ஆகிய மாவட்டங்களில்‌ வாழை அதிகளவில்‌ பயிரிடப்படுகிறது.

தற்போது கோயமுத்தூர்‌ சந்தைகளுக்கு, புதுக்கோட்டை, திருக்காட்டுப்பள்ளி மற்றும்‌ கடலூர்‌ ஆகிய பகுதிகளிலிருந்து பூவன்‌ வரத்தும்‌, சத்தியமங்கலம்‌, கோபிசெட்டிபாளையம்‌ ஆகிய பகுதிகளிலிருந்து கற்பூரவள்ளி வரத்தும்‌, நேந்திரன்‌ வரத்து மேட்டுப்பாளையம்‌ மற்றும்‌ கேரளாவிலிருந்து வருகின்றன.

வாழையின்‌ விலையானது மழைக்காலம்‌, பண்டிகை காலங்களின்‌ தேவை மற்றும்‌ புயல்‌ தாக்கங்களால்‌ பெருமளவு பாதிக்கப்படுகின்றது. மேலும்‌, வாழைக்கான புதிய சாகுபடி பரப்பு மற்றும்‌ புதிய சந்தைகள்‌ ஆகியவற்றால்‌ விலையில்‌ ஏற்றத்தாழ்வுகள்‌ சமீப காலங்களில்‌ பெருமளவு காணப்படுகின்றது.

இச்சூழலில்‌, விவசாயிகள்‌ விற்பனை முடிவுகளை எடுக்க ஏதுவாக தமிழ்நாடு வேளாண்மைப்‌ பல்கலைக்‌ கழகத்தில்‌, இயங்கிவரும்‌ தமிழ்நாடு பாசன விவசாய மேம்பாட்டுத் திட்டத்தின்‌ கீழ்‌ இயங்கி வரும்‌, வேளாண் மற்றும்‌ ஊரக மேம்பாட்டு ஆய்வு மையத்தின்‌ விலை முன்னறிவிப்புத்‌ திட்டம்‌, கடந்த 10 ஆண்டுகளாக கோயமுத்தூர்‌ சந்தையில்‌ நிலவிய பூவன, கற்பூரவள்ளி மற்றும்‌ நேந்திரன்‌ விலை மற்றும்‌ சந்தை ஆய்வுகள்‌ மேற்கொள்ளப்பட்டது. ஆய்வின்‌ முடிவின்‌ அடிப்படையில்‌ டிசம்பர்‌,2019 மாதங்களில்‌ பூவன்‌ வாழையின்‌ சராசரி பண்ணை விலை கிலோவிற்கு ரூ. 12-14, கற்பூரவள்ளி ரூ. 15-18 மற்றும்‌ நேந்திரன்‌ வாழையின்‌ பண்ணை விலை கிலோவிற்கு ரூ.25-27வரை இருக்கும்‌ என்று கண்டறியப்பட்டுள்ளது.

வாழையின்‌ விலையானது, பருவநிலை மற்றும்‌ பண்டிகைக்காகத் தேவைகளை பொறுத்து மாறுபடும்‌. இதன்‌ அடிப்படையில்‌ விவசாயிகள்‌ தகுந்த விற்பனை முடிவுகளை எடுக்குமாறு பரிந்துரைக்கப்படுகின்றனர்.

மேலும்‌ விவரங்களுக்கு, தொடர்பு கொள்ள:

உள்நாட்டு மற்றும்‌ ஏற்றுமதி சந்தைத்‌ தகவல்‌ மையம்‌,

வேளான்‌ மற்றும்‌ ஊரக மேம்பாட்டு ஆய்வு மையம்‌,

தமிழ்நாடு வேளாண்மைப்‌ பல்கலைக்கழகம்‌,

கோயம்புத்தூர்‌ - 641 003.

தொலைபேசி எண்: 0422-2431405

தொழில்நுட்ப விவரங்களுக்கு, தொடர்பு கொள்ள:

பேராசிரியர்‌ மற்றும்‌ தலைவர்‌,

பழப்பயிர்கள்‌ துறை,

தோட்டக்கலைக்‌ கலலூரி மற்றும்‌ ஆராயச்சி நிலையம்‌,

தமிழ்நாடு வேளாண்மைப்‌ பல்கலைக்கழகம்‌,

கோயம்புத்தூர்‌ - 641 003.

தொலைபேசி எண்: 0422-6611269