இதுவரை 40.39 சதவீதம் வாக்குகளே பதிவு..! டிவிட்டரில் மாநகராட்சி மக்களை வாக்களிக்க செல்லுமாறு வேண்டுகோள்

கோவை: கோவையில் அமைதியான முறையில் வாக்குபதிவு நடைபெற்று வரும் நிலையில், இன்னும் ஒரு மணி நேரத்தில் வாக்குபதிவு முடிவுக்கு வரவுள்ளது.

இந்த நிலையில், கோவை மாநகராட்சி பகுதியில் இதுவரை 6,32,110 வாக்குகள், அதாவது 40.39 சதவீதம் வாக்குகள் மட்டுமே பதிவாகியுள்ளது. இன்று, 3 மணி நிலவரப்படி கோவை மாவட்டத்தில் மொத்தமாக 46.52 சதவீதம் வாக்கு பதிவு பதிவாகியுள்ளது. அதில், கோவை மாநகராட்சி பகுதியில் 40.39சதவீதம், நகராட்சி பகுதிகளில் 53.80சதவீதம் பேரூராட்சிகளியில் 61.31சதவீத வாக்குகள் பதிவாகியுள்ளது.

இந்த நிலையில், வாக்காளர்களை ஊக்குவிக்கும் வகையில், கோவை மாநகராட்சி தனது ட்விட்டர் பக்கத்தில் வாக்காளர் அனைவரையும் வாக்களிக்க செல்லுங்கள் என்று கேட்டுக்கொண்டுள்ளது.



கோவை மாநகராட்சியில் வாக்குகள் குறைந்த அளவே பதிவாகியுள்ள நிலையில் ட்விட்டர் பக்கத்தில் கோவை மாநகராட்சி இந்த பதிவை வெளியிட்டுள்ளது.