திராவிட இயக்கத்தின் நூற்றாண்டு நிறைவு விழா மாநாட்டில் கலந்துகொள்ள கோவைக்கு வைகோ வருகை.

தலைமைச்செயலாளரின் வீட்டில் இருந்து பல கோடி ரூபாய் மதிப்பிலான கணக்கில் வராத சொத்துக்கள் பிடிபட்டுள்ளதாக வெளியாகியுள்ள தகவலுக்கு மதிமுக பொதுச்செயலாளர் வைகோ வரவேற்பு தெரிவித்துள்ளார்.

திராவிட இயக்கத்தின் நூற்றாண்டு நிறைவு விழா மாநாட்டில் கலந்து கொள்வதற்காக கோவை வந்த அவர் செய்தியாளர்களிடம் பேசிய போது இதனை தெரிவித்தார். விடுதலை சிறுத்தைகள் கட்சியின் தலைவர் திருமாவளவனோடு ஆழமான நட்பு உண்டு எனவும் அதில் எந்த விரிசலும் இதுவரை ஏற்படவில்லை எனவும் அவர் அப்போது தெரிவித்தார்.கோவையில் தந்தை பெரியார் திராவிடர் கழகம் சார்பில் நடைபெறும் திராவிட இயக்க நூற்றாண்டு நிறைவு விழாவில் நீதிக்கட்சியின் சாதனைகள் தொடர்பாக வெளியிடப்பட்டுள்ள 100 புத்தகங்களை வைகோ வெளியிட்டு உரையாற்ற உள்ளது குறிப்பிடதக்கது.