பெரியநாயக்கன்பாளையம், கூடலூர் கவுண்டம்பாளையம், வீரபாண்டி பேரூராட்சி அலுவலகங்களில் பாஜகவினர் அதிரடியாகப் பிரதமர் மோடியின் புகைப்படத்தை மாட்டினர்.
கோவை: கோவை பெரியநாயக்கன்பாளையம், கூடலூர் கவுண்டம்பாளையம், வீரபாண்டி பேரூராட்சி அலுவலகங்களில் பாஜகவினர் அதிரடியாகப் பிரதமர் மோடியின் புகைப்படத்தை மாட்டியதால் பரபரப்பு நிலவியது.
இன்று செப்டம்பர் 17-பாரத பிரதமர் மோடியின் பிறந்தநாளை முன்னிட்டு பாஜகவினர் கட்சிக் கொடியேற்றி இனிப்புகள் வழங்கி கொண்டாடி வருகின்றனர்.
இந்நிலையில், கோவை பெரியநாயக்கன்பாளையம், கூடலூர் கவுண்டம்பாளையம், வீரபாண்டி உள்ளிட்ட பேரூராட்சி அலுவலகங்களில் பாரத பிரதமர் மோடியின் புகைப்படத்தை வைக்கக் கோரி செயல் அலுவலர்களிடம் முறையிட்டனர்.
இதில் பெரியநாயக்கன்பாளையம் பேரூராட்சி அலுவலக செயல் அலுவலரை முற்றுகையிட்ட பாஜகவினர். அலுவலகத்தில் பிரதமர் மோடி புகைப்படத்தை வைக்கோரினர்.
இதற்குச் செயல் அலுவலர் உரிய அனுமதி இல்லாமல் பிரதமர் மோடி புகைப்படத்தை வைக்க முடியாதெனக் கூறியதால் பாஜகவினர் அவரிடம் வாக்குவாதத்தில் ஈடுபட்டதால் பரபரப்பு ஏற்பட்டது.
இதனையடுத்து பாஜகவினரே அலுவலக வாயிலில் செயல் அலுவலரின் எதிர்ப்பையும் மீறி பிரதமர் மோடியின் புகைப்படத்தை மாட்டினர்.
அதேபோல் கூடலூர் கவுண்டம்பாளையம், வீரபாண்டி பேரூராட்சி அலுவலகங்களிலும் பிரதமர் மோடியின் புகைப்படத்தை பாஜகவினர் மாட்டினர்.
தகவல் அறிந்து அங்கு பெரியநாயக்கன்பாளையம் காவல்துறையினர் பாஜகவினர் அங்கிருந்து கலைந்துபோகச் செய்தனர்.