பழங்குடியின மாணவர்களுக்குச் சாதி சான்றிதழ் உள்ளிட்ட அடிப்படை வசதிகள் கோரி பொள்ளாச்சி சார் ஆட்சியர் அலுவலகத்தை முற்றுகையிட்டு இந்திய மாணவர் சங்கத்தினர் போராட்டம்.!!

கோவை: பழங்குடியின மாணவர்களுக்கு ஜாதி சான்றிதழ் மற்றும் அடிப்படை வசதிகள் கோரி கோவை மாவட்ட இந்திய மாணவர் சங்கத்தின் சார்பில் இன்று பொள்ளாச்சி சார் ஆட்சியர் அலுவலகத்தை முற்றுகையிட்டு போராட்டத்தில் ஈடுபட்டனர்.

அப்போது கோவை மாவட்டத்தில் பழங்குடியின மாணவர்களுக்கு ஜாதி சான்றிதழ் வழங்கப்படவில்லை. அதனை உடனடியாக வழங்க வேண்டும்.

அதேபோல் பழங்குடியின கிராமங்களில் பேருந்து வசதிகள் இல்லாததால் மாணவர்கள் பள்ளிக்குச் செல்ல இயலாத நிலை ஏற்பட்டு வருகிறது. எனவே உடனடியாக பேருந்து வசதி ஏற்படுத்தித் தர வேண்டும்.



உள்ளிட்ட பல்வேறு கோரிக்கைகளை வலியுறுத்திக் கண்டன கோஷங்களை எழுப்பினர். பின்னர் சார் ஆட்சியரிடம் மனு அளித்தனர். பழங்குடியின மாணவர்கள் கல்வி பயிலக் கிராமங்களில் போதிய மின்சார வசதி செய்து தரவேண்டும்.

ஜாதி சான்றிதழ் இல்லாததால் கல்வியைத் தொடர முடியாத நிலை ஏற்பட்டுள்ளதால் உடனடியாக ஜாதிச் சான்றிதழ் வழங்கவேண்டும்.

பழங்குடியின மலைவாழ் மாணவிகள் உள்ள கிராமங்களில் பொதுக் கழிப்பிட வசதிகள் செய்து தர வேண்டும் அதைப்போல் பழங்குடியின மாணவ மாணவிகள் பயிலும் பள்ளிகளில் அனைத்து அடிப்படை வசதிகளையும் செய்து தர வேண்டும் உள்ளிட்ட பல்வேறு கோரிக்கைகளை வலியுறுத்தினர்.