உடுமலைப்பேட்டையில் தளி எத்தளப்பர் மன்னருக்கு மணிமண்டபம்-செய்தித்துறை அமைச்சருக்கு நன்றி தெரிவித்து சிறப்பு செய்யப்பட்டது.!!

திருப்பூர்: செய்தித் துறை அமைச்சருக்கு நன்றி தெரிவித்துச் சிறப்புச் செய்யப்பட்டது.

உடுமலைப்பேட்டை வரலாற்று ஆய்வு நடுவத்தின் நீண்ட நாள் கோரிக்கையான தளி எத்தலப்ப மன்னருக்கு மணி மண்டபக்கோரிக்கையை நிறைவேற்றும் தமிழகச் சட்டமன்றத்தில் அறிவிப்பு வெளியிடப்பெற்றது.

இந்த மணி மண்டபத்திற்காக இரண்டு கோடியே அறுபது லட்சம் தொகையும் ஒதுக்கீடு செய்யப்பட்டது. இந்த கோரிக்கையை நிறைவேற்றியதுடன் அதற்காகத் தொகையும் ஒதுக்கி சட்டமன்றத்தில் அறிவிப்பு வெளியிடப்பெற்றமைக்காக இன்று உடுமலை வந்த செய்தித்துறை அமைச்சர் மு.பெ. சாமிநாதனுக்கு உடுமலைப்பேட்டை வரலாற்று ஆய்வு நடுவத்தின் சார்பில் முன்னாள் துணைவேந்தர் ப.க.பொன்னுசாமி எழுதிய திருமூர்த்திமண் நூலும், சால்வை அணிவித்துச் சிறப்புச் செய்யப்பட்டது.

இந்த இனிய நிகழ்வில் வரலாற்று ஆய்வு நடுவத்தின் தலைவர் தி.குமாரராஜா, துணைத்தலைவர்கள் வி.கே. செல்வராஜ், ராஜாசுந்தரம், செயலாளர் வி. கே.சிவக்குமார், தலைவர்கள் முனைவர் கற்பகவள்ளி, நல்லாசிரியர் விஜயலட்சுமி, இணைச்செயலாளர் ராபின் ஆகியோரும் அமைச்சருக்கு சிறப்பு செய்தனர்.



மேலும், திராவகம் சிதைத்த வாழ்வு எனும் நூலினை முனைவர் ப.கற்பகவள்ளி அமைச்சருக்கு வழங்கினார்.