அதிமுகவில் இருந்து புகழேந்தி நீக்கப்பட்டதற்கு கண்டனம்..! கோவையின் முக்கிய இடங்களில் அதிமுகவிற்கு எதிராக ஒட்டப்பட்டுள்ள போஸ்டர்களால் பரபரப்பு!

கோவை: அதிமுகவில் இருந்து புகழேந்தி நீக்கப்பட்டதற்கு கண்டனம் தெரிவிக்கும் விதமாக கோவையின் முக்கிய இடங்களில் அதிமுகவிற்கு எதிராக போஸ்டர்கள் ஒட்டப்பட்டுள்ள சம்பவம் பரபரப்பை ஏற்படுத்தியுள்ளது.

அதிமுகவின் அடிப்படை உறுப்பினர் பொறுப்பு உட்பட இன்னும் சில பொறுப்புகளில் புகழேந்தி செயல்பட்டு வந்த நிலையில்,அக்கட்சியின் ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் புகழேந்தி கட்சியில் இருந்து நிக்கப்படுவதாக அறிக்கை வெளியிட்டிருந்தனர்.



இந்நிலையில், தற்போது புகழேந்தி நீக்கப்பட்டதைக் கண்டித்து உக்கடம், கோட்டை மேடு, வின்சென்ட் சாலை, டவுன் ஹால், உள்ளிட்ட பகுதிகளில் போஸ்டர்கள் ஒட்டப்பட்டுள்ளது.



அப்போஸ்டரில் அதிமுகவை கண்டிக்கும் வண்ணம் "புரட்சித்தலைவி அம்மாவிற்கு ஜாமீன் வழங்கிய அஞ்சாநெஞ்சன் புகழேந்தி நீக்கத்திற்கு கண்டனம்"

அனாதை கட்சியா அஇஅண்ணா திமுக, கூட்டணிக் கட்சிகள் அவமானப்படுத்தி பேசுவதா, இதனை கண்டித்தால் கட்சியில் இருந்து நீக்குவதா, மானமிகு தொண்டர்களே இந்த தலைமை தேவையா.? கோவை கழக உண்மை விசுவாசிகள்.



இவ்வாறு இந்த போஸ்டரில் இடம் பெற்றுள்ளது. இந்த போஸ்டர்கள் கோவையில் பரபரப்பை ஏற்படுத்தியுள்ளது.