வால்பாறையில் கன மழை... ஆறுகளில் வெள்ளப்பெருக்கு... மக்களின் இயல்பு வாழ்க்கை பாதிப்பு..!

கோவை: வால்பாறையில் கன மழை பெய்து வருகிறது. இதனால் ஆறுகளில் வெள்ளப்பெருக்கு ஏற்பட்டுள்ளது. மக்களின் இயல்பு வாழ்க்கை பாதிக்கப்பட்டுள்ளது.



கோவை மாவட்டம் வால்பாறை பகுதியில் தென்மேற்கு பருவ மழை தீவிரமாக பெய்யத் தொடங்கி உள்ளது. வால்பாறை அதன் சுற்று வட்டாரப் பகுதிகளான கருமலை, பச்சமலை, நடுமலை, ஐயற்படி, சின்னக்கல்லார், பெரிய கல்லார், சோலையார் அணை போன்ற எஸ்டேட் பகுதிகளில் கன மழை பெய்து வருகிறது, இந்த மழையால் ஆறுகளில் வெள்ளப்பெருக்கு ஏற்பட்டு வருகிறது. இதில் வால்பாறை நடுமலை ஆறு, கூழாங்கல் ஆறுகளில் வெள்ளப்பெருக்கு ஏற்பட்டு வருகிறது.



இதனால் சோலையார் அணையின் நீர் மட்டம் உயர்ந்து வருகிறது. மழையால் தேயிலைத் தோட்ட மக்களின் இயல்பு வாழ்க்கை பாதிக்கப்பட்டு உள்ளனர்.

இந்தநிலையில், வால்பாறை பகுதிகளின் மழை நிலவரம் வெளியிடப்பட்டுள்ளது. அதன்படி...

வால்பாறை 38 மி.மீ மழையும் அளவும்

மேல் நீரார் அணை

மழை 89 மி.மீ மழை அளவும்

கீழ் நீரார் அணை

மழை 53 மி.மீ மழை அளவும்.

சோலையார் அணை

மழை 41 மி.மீ மழை அளவும் பதிவானது.

சோலையார் அணையின் நிலவரம்

அணைக்கு நீர் வரத்து 2822.33 கன அடி

அணையில் இருந்து நீர் வெளியேற்றம்

பவர் ஹவுஸ் 1 - 407.51 கன அடி

பவர் ஹவுஸ் 2 - 445.06 கன அடி

பைபாஸ் 1- 0.00 கன அடி

மொத்த வெளியேற்றம் 852.57 கன அடி

நீர் மட்டம் 122.73/165 அடி

நீர் இருப்பு 3527.02/5677.00 உள்ளது.