கோவையில் ரஜினி ரசிகர் மன்றத்தை சேர்ந்த 100க்கும் மேற்பட்ட இளைஞர்கள் பாஜகவில் இணைந்தனர்!

கோவை: கோவையில் வானதி சீனிவாசன் முன்னிலையில் ரஜினி ரசிகர் மன்றத்தை சேர்ந்த 100க்கும் மேற்பட்ட இளைஞர்கள் பாஜகவில் இணைந்தனர்.

அரசியலுக்கு வருவதாக கூறிக்கொண்டிருந்த நடிகர் ரஜினிகாந்த் கடந்த டிசம்பர் மாதம் தனது உடல்நிலை காரணமாக இனி எப்போதும் அரசியலில் ஈடுபடப்போவதில்லை என்று அறிவித்தார். அதனால் அவரது ரசிகர்கள் அதிருப்தியில் இருந்தனர். மேலும் அரசியலில் அவர் எந்த கட்சியை ஆதரிப்பார் என்ற தெளிவான பார்வை இல்லாமல் இருந்தது.

இதனிடையே, தற்போது தமிழகத்தில் சட்டமன்ற தேர்தல் அறிவிக்கப்பட்டு வேட்புமனு தாக்கல் முடிந்தது கட்சிகள் தங்கள் பிரச்சாரங்களை துவங்கியுள்ளன.



இந்த நிலையில், கோவையில் ரஜினி ரசிகர் மன்றத்தை சேர்ந்த 100க்கும் மேற்பட்ட இளைஞர்கள் தேசிய ஜனநாயகக் கூட்டணி சார்பாக கோவை தெற்கு தொகுதியில் போட்டியிடும் பாரதிய ஜனதா கட்சியின் வேட்பாளர் வானதி சீனிவாசன் முன்னிலையில் அக்கட்சியில் இணைந்தனர்.