கோவை மாவட்ட 10 தொகுதிகளில் 55 பேர் வேட்பு மனு தாக்கல்!

கோவை: கோவை மாவட்ட 10 தொகுதிகளில், 55 பேர் மனுத்தாக்கல் செய்துள்ளனர்.

கோவை மாவட்டத்தில் உள்ள 10 தொகுதிகளிலும் வேட்புமனு தாக்கல் விறுவிறுப்பாக நடந்து வருகிறது. வருகிற 19ம் தேதியோடு வேட்புமனு தாக்கல் முடிவுறுகிறது. 20-ம் தேதி பரிசீலனை செய்யப்படுகிறது. 22-ம் தேதி வேட்பு மனு வாபஸ் பெற கடைசி நாளாக அறிவிக்கப்பட்டுள்ளது.

இந்த நிலையில் நேற்று ஒரே நாளில் 55 பேர் வேட்பு மனு தாக்கல் செய்தனர். மேட்டுப்பாளையம் தொகுதியில் 8 பேர், சூலூரில் ஒருவர், கவுண்டம்பாளையத்தில் 6 பேர்,கோவை வடக்கில் 3 பேர், தொண்டாமுத்தூரில் 2 பேர், கோவை தெற்கில் 5 பேர், சிங்காநல்லூரில் 6 பேர், கிணத்துக்கடவில் 10 பேர், பொள்ளாச்சியில் 9 பேர், வால்பாறையில் 5 பேர் நேற்று மட்டும் 55 பேர் மனுத் தாக்கல் செய்துள்ளனர்.

கோவை மாவட்டத்தில் இதுவரை மனுத் தாக்கல் செய்துள்ள வேட்பாளர்களின் எண்ணிக்கை 92 ஆக அதிகரித்துள்ளது.