கோவையில் காலை வாக்கிங், ஜாக்கிங், உடல் பயிற்சி; மக்களிடம் நலம் விசாரித்த கமல்..!

கோவை: கோவை தெற்கு தொகுதியில் போட்டியிடும் மக்கள் நீதி மையம் கட்சியின் தலைவர் கமல்ஹாசன் ரேஸ்கோர்ஸ் பகுதியில் உள்ள தனியார் நட்சத்திர ஓட்டலில் தங்கியுள்ளார்.

இன்று காலை, அவர் வழக்கம் போல் எழுந்து நடைபயிற்சி மேற்கொண்டு, உடற்பயிற்சி செய்து பொதுமக்களுடன் உரையாடினார். கோவை ரேஸ் கோர்ஸ் சாலையில் நடைப்பயிற்சி மேற்கொண்ட மக்கள் நீதி மய்ய தலைவர் கமல்ஹாசன் ராமநாதபுரத்தில் உள்ள சாண்டோ சின்னப்ப தேவர் நினைவு தேகப்பயிற்சி சாலையில் உடற்பயிற்சி மேற்கொண்டார்.

சட்டமன்ற தேர்தலில் முதல்முறையாக வேட்பாளராக களம் இறங்கும் மக்கள் நீதி மய்யத்தின் தலைவர் கமல்ஹாசன், தான் போட்டியிட உள்ள கோவை தெற்கு தொகுதியில் வேட்புமனு தாக்கல் செய்யவும் தேர்தல் பிரச்சார பொதுக்கூட்டத்தில் பங்கேற்கவும் நேற்று மதியம் சென்னையில் இருந்து கோவை வந்தார். கோவை மாநகராட்சி மத்திய மண்டல அலுவலகத்தில் வேட்பு மனு தாக்கல் செய்த கமல்ஹாசன், தொடர்ந்து ராஜ வீதி தேர்நிலை திடலில் நடைபெற்ற பிரச்சார பொதுக்கூட்டத்திலும் கலந்துகொண்டார்.



Photo by Jeeva Nanthan

இன்று காலை ரேஸ் கோர்ஸ் சாலையில் உள்ள தனியார் நட்சத்திர விடுதி ஒன்றில் தங்கியுள்ள கமல்ஹாசன், இன்று அதிகாலையில் பந்தய சாலை பகுதியில் நடைபயிற்சி மேற்கொண்டார்.



தொடர்ந்து, ராமநாதபுரம் பகுதியில் உள்ள சாண்டோ சின்னப்பா தேவர் நினைவு தேகப்பயிற்சி சாலைக்கு சென்ற அவர், அங்கு சிறிது நேரம் உடற்பயிற்சி மேற்கொண்டார்.

பின்னர், சாலையோரம் உள்ள டீக்கடை ஒன்றின் அருகே நின்று அங்கிருந்தவர்களிடம் சிறிது நேரம் பேசிவிட்டு புறப்பட்டு சென்றார். பின்னர், உக்கடம் மீன் சந்தைக்கு சென்ற கமல்ஹாசன் அங்கிருந்த வியாபாரிகளிடமும் சிறிது நேரம் உரையாடினார்.