அமைச்சர் எஸ்.பி வேலுமணி சொத்து மதிப்பு ரூ.3 கோடி: வேட்பு மனுவில் தகவல்

கோவை: உள்ளாட்சித்துறை அமைச்சர் எஸ்.பி.வேலுமணியின் சொத்துமதிப்பு ரூ.3 கோடி என அவர் தொண்டாமுத்தூர் தொகுதியில் தாக்கல் செய்த வேட்புமனுவின் வாயிலாக தெரியவந்துள்ளது.

தொண்டாமுத்தூர் தொகுதியில் போட்டியிடும்அ.தி.மு.க வேட்பாளரான அமைச்சர் எஸ்.பி வேலுமணி தாக்கல் செய்துள்ள வேட்புமனுவோடு இணைத்துள்ள அபிடவிட்டில் கூறப்படிருப்பதாவது;

"கடந்த ஆண்டில் சுமார் ரூ.11 லட்சத்துக்கு வருமான வரி கணக்கு தாக்கல் செய்துள்ளேன். என் மனைவி 2020ம் ஆண்டில் 9 லட்ச ரூபாய்க்கு வருமானம் என கணக்கு தாக்கல் செய்துள்ளார். 2019ம் ஆண்டில் 70.79 லட்ச ரூபாய்க்கும், 2018ம் ஆண்டில் 8 லட்ச ரூபாய்க்கும் வருமான வரி தாக்கல் செய்துள்ளேன்.

என்னுடைய பெயரில் 80 கிராம் தங்கம், மனைவி பெயரில் 1360 கிராம் தங்கம், மகள் சாரங்கி பெயரில் 2,030 கிராம் தங்கம், மகன் பெயரில் 56 கிராம் தங்கம் இருக்கிறது. மகள் பெயரில் உள்ள தங்கத்தின் மதிப்பு 81 லட்சம், மனைவி பெயரில் உள்ள தங்கத்தின் மதிப்பு 51 லட்ச ரூபாய். என்னுடைய மொத்த சொத்து மதிப்பு ரூ.3.03 கோடி, மனைவி பெயரில் உள்ள சொத்துகள் மதிப்பு ரூ.29.26 லட்சம்"

இவ்வாறு அமைச்சர் எஸ்.பி.வேலுமணி தனது வேட்புமனுவின் அபிடவிட்டில் தெரிவித்துள்ளார்.