நீலகிரி மாவட்டத்தில் போட்டியிடும் திமுக வேட்பாளர்கள் அறிமுகம்

நீலகிரி; நீலகிரி மாவட்டத்தில் குன்னூர் மற்றும் கூடலூர் சட்டபேரவைத் தொகுதிகளில் திமுக சார்பில் போட்டியிடும் வேட்பாளர்கள் அறிமுக கூட்டம் குன்னூரில் சனிக்கிழமை நடைபெற்றது.



குன்னூர் சட்டபேரவைத் தொகுதியில் திமுக வேட்பாளராக இளித்துரை கா.ராமச்சந்திரன் போட்டியிடுகிறார். கூடலூர் சட்ட பேரவை தொகுதி திமுக வேட்பாளராக எஸ்.காசிலிங்கம் களம் இறக்கப்பட்டுள்ளார். இதையடுத்து திமுக சார்பில் குன்னூர் அண்ணா சிலை அருகே வேட்பாளர்கள் அறிமுக கூட்டம் நடைபெற்றது.

இதில் கலந்து கொண்ட குன்னூர் திமுக வேட்பாளரும் முன்னாள் எம்எல்ஏவுமான இளித்துரை கா.ராமசந்திரன் பேசும் போது, “நான் எம்எல்ஏவாக வெற்றி பெற்றால் மார்கெட் கடைகள் வாடகைப் பிரச்சினை தீர்வு காணுதல், கட்டட வரை முறை சட்டத்தை எளிதாக்குதல் ஆகியவற்றுக்கு நடவடிக்கை எடுப்பேன்” என்றார். இந்த நிகழ்சியில் நீலகிரி திமுக மாவட்டச் செயலாளர் பா.மு.முபாரக், நகர செயலாளர் எம். ராமசாமி,சிறுபான்மை பிரிவு மாநில துணை செயலாளர் இரா.



அன்வர்கான் உள்ளிட்ட பலர் கலந்து கொண்டனர்.