வால்பாறையில் தபால் ஓட்டு படிவம் 12 டி விண்ணப்ப வினியோகம் செய்யப்பட்டது

வால்பாறை: கோவை மாவட்டம் வால்பாறை பகுதியில் தபால் ஓட்டு போடுவதற்கு 80 வயதிற்கு மேற்பட்ட மற்றும் மாற்றுத்திறனாளிகளுக்கு தபால் ஓட்டு போடும் படிவம் 12d வினியோகம் செய்யப்பட்டது.

தேர்தல் அலுவலர்கள், முதியோர்கள் பட்டியல் மற்றும் மாற்றுத்திறனாளிகளின் பட்டியலின்படி வீடு வீடாக சென்று தபால் வாக்கு அளிக்கும் 12 டி படிவத்தை வழங்கும் பணியை நேற்று முதல் ஆரம்பித்தனர்.

இந்த படிவத்தை பெற்றுக்கொண்ட முதியவர்கள், இதை கையொப்பமிட்டு திரும்ப வழங்கி வருகின்றார்கள் கையொப்பமிட முடியாதவர்கள் கைரேகை பதிவு செய்து படிவங்களை பெற்று கொண்டனர். வால்பாறையில் பெயர் பட்டியலில் உள்ளவர்களிடம் மட்டுமே படிவம் வழங்க வேண்டும், என தேர்தல் அலுவலர்கள் வால்பாறை தொகுதி அலுவலர்களுக்கு உத்தரவிட்டுள்ளனர்.

உரிய சான்றுகளுடன் விரைவில் திரும்ப பெறப்பட்டு, வாக்குப் பதிவு அலுவலர்களுக்கு அனுப்பப்படும் என தேர்தல் மண்டலம் அலுவலர்கள் தெரிவித்துள்ளனர்.