தி.மு.க. தலைவர் மு.க.ஸ்டாலினுக்கு கமல்ஹாசன் பிறந்த நாள் வாழ்த்து!

சென்னை: தி.மு.க. தலைவர் மு.க.ஸ்டாலினுக்கு மக்கள் நீதி மய்யம் கட்சித் தலைவர் கமல்ஹாசன் பிறந்த நாள் வாழ்த்து தெரிவித்துள்ளார்.

தி.மு.க. தலைவர் மு.க.ஸ்டாலின் பிறந்தநாளையொட்டி தி.மு.க.வினர் அவரது பிறந்தநாளை உற்சாகமாகக் கொண்டாடி வருகின்றனர். அதேநேரத்தில் பல்வேறு கட்சிகளின் தலைவர்களும் அவருக்கு பிறந்தநாள் வாழ்த்து தெரிவித்துள்ளனர்.

இந்நிலையில் மக்கள் நீதி மய்யம் கட்சியின் தலைவரும், நடிகருமான கமல்ஹாசனும் தி.மு.க. தலைவர் மு.க.ஸ்டாலினுக்கு பிறந்த நாள் வாழ்த்து தெரிவித்துள்ளார். இதுதொடர்பாக அவர் ட்விட்டரில் வெளியிட்டுள்ள வாழ்த்துச் செய்தில், `விருட்சத்தின் கீழ் தாவரங்கள் வெளிச்சம் பெறுவதரிது.



விழுதாக இருந்தால் கூடுதல் சுமை. கலைஞர் எனும் மாபெரும் பிம்பத்தின் மேலுள்ள எதிர்பார்ப்பை மிகச் சிறப்பாக நிறைவேற்றிவரும் நண்பர் மு.க.ஸ்டாலின் அவர்களை பிறந்தநாளில் வியந்து வாழ்த்துகிறேன்' என்று கூறியுள்ளார்.