கோவையில் வீடுகட்ட, வாகனம் வாங்க `கடன் மேளா' இன்று நடக்கிறது!

கோவை: கோவையில் கனரா வங்கி சார்பாக இன்று மாபெரும் வீட்டுக் கடன் மற்றும் வாகனக் கடன் மேளா இன்று நடக்கிறது. இதில் கலந்துகொண்டு மக்கள் பயன்பெறலாம் எனக் கூறப்பட்டுள்ளது.

கனரா வங்கி சார்பில் இன்று, மாபெரும் வீட்டுக்கடன் மற்றும் வாகனக் கடன் மேளா நடக்கிறது. இதில் 6.90 சதவீத வட்டியில் வீட்டுக்கடன் பெறலாம். ஒரு லட்சம் ரூபாய்க்கு 659 ரூபாய் முதல் மாதத்தவணை செலுத்தி வீடு கட்ட வாங்க மற்றும் புதுப்பிக்க கடன் வழங்கப்படுகிறது. 65 வயது வரை கடன் பெற்று 75 வயது வரை திரும்பி செலுத்தும் வசதி உண்டு. இதேபோல், 7.35 சதவீத வட்டியில், வாகனக் கடன் பெறலாம்.

வாகனத்தின் மதிப்பில், 90 சதவீதம் வரை கடன் வழங்கப்படும்.மேட்டுப்பாளையம் அன்னூர் சாலையில் அமைந்துள்ள கிளை, சூலுார் திருச்சி சாலையிலுள்ள கிளை, கருமத்தம்பட்டி சோமனூரிலுள்ள கிளை, பொள்ளாச்சி நகராட்சி அலுவலகம் எதிரே உள்ள கிளை ஆகிய கனரா வங்கிகளில் கடன் மேளா நடக்கிறது. நிபந்தனைகளுக்குட்பட்டு கடன்களைப் பெற மேற்கண்ட வங்கிகளுக்கு முறையே 94422 03559, 94426 98136, 79041 50085, 99408 93942 ஆகிய மொபைல் எண்களில் தொடர்பு கொள்ளலாம்.