திருப்பூரில் ரூ. 870 கோடி பாசி மோசடி வழக்கில் 8 பேர் சாட்சியம்!

கோவை: திருப்பூரை தலைமையிடமாகக் கொண்டு பாசி என்கின்ற நிறுவனம் பொதுமக்களிடம் 870 கோடி மோசடியில் ஈடுபட்ட வழக்கில் நேற்று 8 பேர் கோர்ட்டில் ஆஜராகி சாட்சியம் அளித்தனர். இதையடுத்து வழக்கு ஒத்திவைக்கப்பட்டது.

திருப்பூரை தலைமையிடமாகக் கொண்டு செயல்பட்ட, 'பாசி போரக்ஸ்' என்ற நிதி நிறுவனம், 2011-ம் ஆண்டு, ரூ.870 கோடி மோசடி செய்த வழக்கில் அதன் நிறுவன இயக்குனர்கள் கதிரவன், மோகன்ராஜ், கமலவள்ளி ஆகியோர் கைது செய்யப்பட்டனர். இவர்கள் மீதான வழக்கு விசாரணை, கோவை டான்பிட் கோர்ட்டில் நடந்து வருகிறது.

இந்த வழக்கு தொடர்பாக 2013-ம் ஆண்டு சாட்சி விசாரணை துவங்கியது. மொத்தமுள்ள 1,430 சாட்சிகளில் 500 பேரிடம் மட்டும் விசாரணை நடத்தப்பட்டது. நேற்று இந்த வழக்கு விசாரணைக்கு வந்தபோது, எட்டு சாட்சிகளிடம் விசாரணை நடத்தப்பட்டது. இதையடுத்து வழக்கு ஒத்திவைக்கப்பட்டது.