அவிநாசி சாலையில் பழுதடைந்த தண்ணீர் குழாய்: நள்ளிரவில் பணிகளை ஆய்வு செய்த, திமுக எம்எல்ஏ நா. கார்த்திக்..!
கோவை மாநகராட்சி, வடக்கு மண்டலம், அவினாசி சாலை, நவ இந்தியா, எஸ்.என்.ஆர்.சாலை சிக்னல் சந்திப்பில், குடிநீர் பிரதானக் குழாயில் நேற்று உடைப்பு ஏற்பட்டது.
இதனால், சாலையில் நீர் பெருக்கெடுத்து ஓடி ,இருசக்கர.,நான்கு சக்கர வாகனங்களில் பொதுமக்கள் செல்ல சிரமப்பட்டு வந்தனர். ஆறு போல் தேங்கிய நீரால், போக்குவரத்து நெரிசல் ஏற்பட்டதுடன், குடிநீரும் வீணாகி சென்றது.
இது குறித்து சிங்காநல்லூர் சட்டமன்ற உறுப்பினரும் மாநகர் கிழக்கு மாவட்ட திமுக பொறுப்பாளர் நா கார்த்திக்உடனடியாக சம்பந்தப்பட்ட துறை அதிகாரிகளைத் தொடர்புகொண்டு குழாய் உடைப்பை சரி செய்ய வலியுறுத்தியதை அடுத்து, சம்பந்தப்பட்ட துறை அதிகாரிகள், ஊழியர்கள் அங்கு வந்து, பழுதை ஆய்வு செய்தனர்.
உடைந்த குழாய்களை பழுது பார்க்கும் நடவடிக்கைகளை,நா கார்த்திக் எம்எல்ஏ நள்ளிரவு நேரில் சென்று ஆய்வு செய்து, பார்வையிட்டார்.
