மருதமலை கோவிலுக்கு பாதயாத்திரை சென்ற  பெண் பக்தரிடம் நகை பறிப்பு.

கோவை: தைப்பூசத்தை முன்னிட்டு, கோவை மருதமலை சுப்ரமணிய சுவாமி கோவிலுக்கு பாதயாத்திரை சென்ற பெண்ணிடம் நகையைப் பறித்துச் சென்ற நபா்களை போலீசார் தேடி வருகின்றனா். 

கோவை, கோவில்பாளையம் அருகேயுள்ள வீரியம்பாளையம் பகுதியைச் சோ்ந்தவா் அம்பிகா (26). இவா், தைப் பூசத்தையொட்டி தனது வீட்டில் இருந்து மருதமலைக்கு புதன்கிழமை இரவு பாத யாத்திரை சென்று கொண்டிருந்தாா். இவருடன், மேலும் சில பக்தா்கள் பாத யாத்திரை சென்று கொண்டிருந்தனா். 

அப்போது, அவிநாசி சாலை, பிஆா்எஸ் மைதானம் அருகே நடந்து வந்து கொண்டிருந்த போது, இருசக்கர வாகனத்தில் வந்த இருவா் அம்பிகா அணிந்திருந்த 1 பவுன் தங்க செயினை பறித்துச் சென்றனா். 

இது தொடா்பாக அம்பிகா அளித்தப் புகாரின்பேரில், ரேஸ்கோா்ஸ் போலீஸாா் வழக்குப் பதிவு செய்து விசாரித்து வருகின்றனா்.