கோவை - புனே இடையே ஜனவரி 29-ந்தேதி முதல் 'கோ ஏர்' விமான சேவை!

கோவை: கோவை - புனே இடையே 'கோ ஏர்' நிறுவனம் வரும் 29-ந்தேதி முதல் விமான சேவையைத் தொடங்குகிறது.

இதுதொடர்பாக 'கோ ஏர்' இணையதளத்தில் பகிரப்பட்ட அதிகாரப்பூர்வ தகவல்களின்படி, விமான எண் ஜி 8 881 கோயம்புத்தூர் சர்வதேச விமான நிலையத்தில் இருந்து காலை 11.35 மணிக்கு புறப்பட்டு மதியம் 1.05 மணிக்கு புனேயைச் சென்றடையும்.



அதேபோல் விமான எண் ஜி 8 882 மதியம் 1.35 மணிக்கு புனேயில் இருந்து புறப்பட்டு மதியம் 3.05 மணிக்கு கோயம்புத்தூர் சர்வதேச விமான நிலையத்தை வந்துசேரும்.

இதுதொடர்பாக கொங்கு குளோபல் ஃபோரம் (கேஜிஎஃப்) இயக்குனர் டி.நந்தா குமார் கூறும்போது, `கோ ஏர்' இன் இந்த முயற்சியை நாங்கள் முழுமனதுடன் வரவேற்கிறோம். தொற்றுநோய் பாதிக்கப்படுவதற்கு முன்பு காலை நேரம் மட்டும் விமான சேவை இருந்தது.இப்போதைய அறிவிப்பு தொழிலதிபர், மாணவர்கள் மற்றும் பயணம் செய்யும் மக்களுக்கு மிகவும் பயனுள்ளதாக இருக்கும்'' என்றார்.