டெல்லியில் மூடுபனி: கோவை விமானங்கள் 5 மணி நேரத்துக்கும் மேல் தாமதம்!

கோவை: டெல்லியில் மூடுபனி காரணமாக கோவை வந்துசேர வேண்டிய விமானங்கள் 5 மணி நேரத்துக்கும் மேல் தாமதமாக வந்தன.

தலைநகர் டெல்லியில் இன்று மூடுபனி காரணமாக மோசமான வானிலை நிலவியது. இதனால் நாட்டின் பல்வேறு பகுதிகளுக்கு விமானங்களை இயக்க முடியாத நிலை ஏற்பட்டது. குறிப்பாக டெல்லியிலிருந்து கோயம்புத்தூருக்கு இயக்கப்படும் விமானங்கள் 5 மணி நேரத்துக்கும் மேலாக தாமதமாக வந்து சேர்ந்தன.

இண்டிகோ விமானம் 5 மணி நேரத்துக்கும் மேலாக தாமதமாக வந்து சேர்ந்தது. இந்த விமானம் காலை 9.30 மணிக்கு வந்து மீண்டும் காலை 10 மணிக்கு புறப்படத் திட்டமிடப்பட்டது. மூடுபனி காரணமாக, இந்த விமானம் தாமதமாகி மாலை 3 மணிக்கு வந்து மாலை 3.30 மணிக்குப் புறப்பட்டது. அதேபோல் பிற்பகல் 3.40 மணிக்கு புறப்படவிருந்த மற்றொரு விமானமான ஏர் இந்தியா விமானம் ஒரு மணி நேரம் 46 நிமிடங்கள் தாமதமாகப் புறப்பட்டது.