தேவர் ஜெயந்தி விழா: கோவையில் பசும்பொன் முத்துராமலிங்கத் தேவரின் திருவுருவப் படத்திற்கு நா. கார்த்திக் எம்எல்ஏ மாலை அணிவித்து மரியாதை!

கோவை: தேவர் குருபூஜையையொட்டி கோவை இருகூரில் உள்ள பசும்பொன் முத்துராமலிங்க தேவரின் திருவுருவப் படத்திற்கு திமுக மாநகர் கிழக்கு மாவட்ட பொறுப்பாளர் நா.கார்த்திக் எம்எல்ஏ உள்ளிட்ட திமுகவினர் மாலை அணிவித்து மரியாதை செலுத்தினார்.



மாமன்னர் மருது பாண்டியர் சகோதர்களின் 219வது குருபூஜை விழா, வீரத்திருமகனார் பசும்பொன் முத்துராமலிங்க தேவரின் 113வது ஜெயந்தி விழா மற்றும் 58வது குருபூஜை விழாவை ஒட்டி, கோவை இருகூரில் உள்ள பசும்பொன் முத்துராமலிங்க தேவரின் திருவுருவ சிலைக்கு கோவை மாநகர் கிழக்கு மாவட்ட திமுக பொறுப்பாளர் நா.கார்த்திக் எம்எல்ஏ தலைமையில் திமுகவினர் மாலை அணிவித்து மலர்தூவி மரியாதை செலுத்தினார்.



இந்த நிகழ்ச்சியில், மாவட்ட பொறுப்புக்குழு உறுப்பினர் வேநா.உதயக்குமார், பொதுக்குழு உறுப்பினர் முமச.முருகன், பகுதி கழக பொறுப்பாளர்கள் நாகராஜ், பசுபதி, பேரூர் கழக செயலாளர் மணி, சூலூர் மேற்கு ஒன்றிய பொறுப்புக்குழு உறுப்பினர் சக்திவேல் அவைத்தலைவர் மகாலிங்கம், இளைஞரணி தீனதயாளன், தகவல் தொழில்நுட்ப சந்தோஷ், ஒன்றிய பொறுப்புக்குழு சக்திவேல், வார்டு செயலாளர் அருள்மொழி, ராஜா, செல்வராஜ், ஜெயஹரன், செல்வம், காமட்சுபுரம் ஞானகண்ணன் உள்ளிட்ட ஏராளமானோர் கலந்து கொண்டனர்.