கோவை: முதல்வர் வேட்பாளர் அறிவிப்பு அதிமுகவின் உட்கட்சி விவகாரம் என்றும், தமிழகத்தில் அதிமுக கூட்டணியில் பாஜக தொடர்ந்து இருக்கும், என பொள்ளாச்சியில் பாஜக மாநில விவசாய அணி தலைவர் ஜி.கே.நாகராஜ் பேட்டி.
கோவை: முதல்வர் வேட்பாளர் அறிவிப்பு அதிமுகவின் உட்கட்சி விவகாரம் என்றும், தமிழகத்தில் அதிமுக கூட்டணியில் பாஜக தொடர்ந்து இருக்கும், என பொள்ளாச்சியில் பாஜக மாநில விவசாய அணி தலைவர் ஜி.கே.நாகராஜ் பேட்டி.
மத்திய அரசு கொண்டு வந்துள்ள புதிய வேளாண் சட்ட திருத்தம் குறித்து, விவசாய சங்கத் தலைவர்கள் மற்றும் விவசாய சங்க பிரதிநிதிகள், உழவர் உற்பத்தி நிர்வாகிகளின் கலந்தாய்வுக் கூட்டம் பாரதிய ஜனதா கட்சி சார்பில் பொள்ளாச்சியில் இன்று நடைபெற்றது.
பாஜக விவசாய அணி மாநில தலைவர் ஜி.கே.நாகராஜ் தலைமையில் நடைபெற்ற இந்த கூட்டத்தில், விவசாயிகள் ஏராளமானோர் கலந்து கொண்டனர். மேலும், மத்திய அரசு கொண்டு வந்துள்ள வேளாண் சட்ட திருத்த மசோதா குறித்து விவசாயிகளுக்கு எடுத்துரைக்கப்பட்டது.
பின்னர், செய்தியாளர்களிடம் பேசிய பாஜக மாநில விவசாய அணி தலைவர் ஜி.கே.நாகராஜ், மத்திய அரசு கொண்டு வந்துள்ள புதிய வேளாண் சட்ட மசோதாவில், வியாபாரிகளிடம் விவசாயிகள் ஏமாறாமல் இருக்க, மூன்று கட்ட பாதுகாப்பு உள்ளது, என்றார்.
மேலும், பாதுகாப்பு குழுவில், நீதிபதிகள், மாவட்ட ஆட்சியர்கள், நீதித் துறை சார்ந்தவர்கள் உள்ளார்கள். இத்திட்டம், தொடர்பான புகார்களை விவசாயிகள், அவர்களிடம் தெரிவித்து கொள்ளலாம், என்றும் தெரிவித்தார்.
சமீபகாலமாக திமுக தலைவர் மு.க.ஸ்டாலின், தோலில் பச்சை துண்டு போட்டு வயல்வெளிகளில் ஷூட்டிங் நடத்தி கொண்டு தன்னை விவசாயியாக காட்டிக் கொள்கிறார் என்றும், விளைநிலத்தில் விதைகள் போட்டு விவசாயம் செய்து விவசாயியாக தன்னை மு.க ஸ்டாலின் மாற்றிக்கொள்ள வேண்டும் என்றும், புதிய வேளாண் சட்டம் குறித்து திமுக, காங்கிரஸ் உள்ளிட்ட எதிர்க்கட்சிகள் பிடிவாதமாக விவசாயிகளிடையே தவறான பிரச்சாரத்தை மேற்கொண்டு வருவதாக குற்றம் சாட்டினார்.
அரசியல் ஆதாயத்திற்காக பொய் பிரச்சாரம் செய்வதால், விவசாயிகளின் வாழ்வாதாரத்தை சீரழிக்கும் முயற்சியில், திமுக உள்ளிட்ட எதிர்க்கட்சிகள் ஈடுபடுவதாகவும், அப்போது தெரிவித்தார். மேலும், தமிழக பாஜக. வை பொருத்தவரை, தேசிய தலைமை அறிவித்த கூட்டணி, தமிழகத்தில் தொடர்ந்து நீடித்துக் கொண்டிருக்கிறது, மீண்டும் கூட்டணி குறித்து தேசிய தலைமை பேச்சுவார்த்தை நடத்தும் வரை இதே நிலை தான் தொடரும் என்றும், தேர்தல் நேரங்களில் கூட்டணி குறித்து முடிவு செய்யப்படும் என்றார்.
அதிமுகவில் முதல்வர் வேட்பாளர் அறிவிப்பு என்பது, அதிமுகவின் உட்க்கட்சி விவகாரம், தமிழகத்தில் அதிமுக கூட்டணியில் பாஜக தொடர்ந்து இருக்கிறது, என்று ஜி.கே.நாகராஜ் செய்தியாளரிடம் தெரிவித்தார்.