கோவை: கோவை மாவட்டத்தில் குறிஞ்சி குளம், சிங்காநல்லூர் குளம், செல்வ சிந்தாமணி குளம், பெரிய குளம், வெள்ளலூர் குளம் என பெயர் சொல்லும் குளங்கள் இருக்கிறது.
கோவை: கோவை மாவட்டத்தில் குறிஞ்சி குளம், சிங்காநல்லூர் குளம், செல்வ சிந்தாமணி குளம், பெரிய குளம், வெள்ளலூர் குளம் என பெயர் சொல்லும் குளங்கள் இருக்கிறது. ஆனால், பெயர் சொல்லாத, நமக்கு அருகில் உள்ள பாரம்பரிய குளம், குட்டைகளை பராமரிக்க தவறி விட்டோம்.
அதன் விளைவாக ஊர்புறங்களில் குப்பை மேடுகளாகவும், ஆக்கிரமிப்பு பகுதிகளாகவும் காட்சியளிக்கிறது. ஒரு வேளை நீர்நிலைகளை பராமரித்து இருந்தால் இன்று பிளாட் போட்டு விற்கும் சைட்டுகளாக இல்லாமல் விவசாய நிலங்களாகவும், குடிநீர் பிரச்சினையின்றி நலமான வாழ்வை வாழ்ந்திருப்போம் என்கிறார் கோவை குளங்கள் அமைப்பை சேர்ந்த மணிகண்டன்.
நமது சுற்றுப்புறத்திலும், ஊர்களிலும் உள்ள குளங்கள், குட்டைகள், தடுப்பணைகள் போதிய பராமரிப்பின்றி இருக்கும். மேலும், அவற்றின் பெயரும் கூட தெரியாமல் இருக்க வாய்ப்புண்டு. அதனால் நீங்கள் வசிக்கும் பகுதியில், கிராமத்தில், ஊரில் உள்ள குளமோ, குட்டையோ, தடுப்பணை, வாய்க்கால் போன்ற எந்த நீர்நிலை இருந்தாலும் அதன் லொகேஷன் லிங்க் மற்றும் அதன் பெயரை எங்களுக்கு வாட்ஸ் ஆஃப் செய்யலாம் அல்லது புகைப்படம், பஞ்சாயத்தின்/கிராமத்தின் பெயர், பரப்பளவு, நீர் வரும் வாய்க்கால் போன்றவற்றை விவரங்களாக எழுதி எங்களுடைய மின்னஞ்சலுக்கு அனுப்பலாம்.
இதன் மூலம் அந்தந்த பகுதிகளில் உள்ள நீர்நிலையை பற்றிய தகவல்களை திரட்டி அவற்றை பராமரிக்கும் பணியை மேற்கொள்ள வசதியாக இருக்கும். மேலும் மாநகராட்சி மற்றும் பொதுப்பணித்துறையிடம் கோவையில் உள்ள குளங்கள், குட்டைகள் போன்ற தகவல்களை கேட்டு இருக்கிறோம். அனைத்து நீர்நிலை தரவுகளும் சேர்ந்த பின் கூகுள் மேப் அப்டேட்க்கு அனுப்பி வைக்கப்படுகிறது.
பின்னர் நீங்கள் அனுப்பி வைக்கப்படும் விவரங்கள் மூலமாக குளங்கள், குட்டைகளை நேரடியாக பார்வையிட்டு பராமரிப்பு பணிகள் குறித்து ஆலோசனை செய்ய உள்ளோம். இதன் மூலம் கோவையில் உள்ள நீர்நிலைகளை மீட்டு வளம் பெற செய்வதே எங்களின் நோக்கம் என்று தெரிவித்தார்.
குளங்களின் விவரங்களை குறித்து தெரிவிக்க வேண்டிய எண் 9566538905 / [email protected]