திருப்பூர்: திருப்பூர் மாவட்டத்தில் உள்ள எட்டு சட்டமன்ற தொகுதிகளுக்கான இறுதி வாக்காளர் பட்டியலை திருப்பூர் மாவட்ட ஆட்சியர் விஜய கார்த்திகேயன் இன்று வெளியிட்டார்.
திருப்பூர்: திருப்பூர் மாவட்டத்தில் உள்ள எட்டு சட்டமன்ற தொகுதிகளுக்கான இறுதி வாக்காளர் பட்டியலை திருப்பூர் மாவட்ட ஆட்சியர் விஜய கார்த்திகேயன் இன்று வெளியிட்டார்.
அப்போது செய்தியாளர்களிடம் பேசிய அவர், கடந்த ஆண்டு மார்ச் 23ம் தேதி வரைவு வாக்காளர் பட்டியல் வெளியிடப்பட்டு உள்ளது. அதன் பிறகு முகாம்களில் வாக்காளர்கள் சேர்ப்பு, திருத்த பணிகள் நடைபெற்றது. திருப்பூர் மாவட்டத்தில் 2484 வாக்குச்சாவடிகள் உள்ளன. ஆண் வாக்காளர்கள் 11,41,756 பேரும் பெண் வாக்காளர்கள் 11,59,448 பேர், மூன்றாம் பாலினத்தைச் சேர்ந்தவர்கள் 277 பேர் என மொத்த வாக்காளர்கள் எண்ணிக்கை 23,01,481 பேர் இருப்பதாக தெரிவித்தார்.
அதேபோல, திருப்பூர் மாவட்டத்தில் 17,692 பேர் பெண் வாக்காளர்கள் எண்ணிக்கை ஆண் வாக்காளர்கள் எண்ணிக்கையை விட அதிகம். இன்று வெளியிடப்பட்ட பட்டியலில் 54,178 பேர் பெயர் சேர்க்கப்பட்டு உள்ளது எனவும் 2347 பேர் பெயர் நீக்கம் செய்யப்பட்டு உள்ளதாகவும் ஒரே சட்டமன்ற தொகுதிக்குள் 3553 பேர் முகவரி மாற்றம் செய்துள்ளனர் என்றும் அரசு அலுவலகங்களில் பொதுமக்கள் பார்வைக்காக வாக்காளர் பட்டியல் வைக்கப்படும் என திருப்பூர் மாவட்ட ஆட்சியர் விஜய கார்த்திகேயன் தெரிவித்தார்.