NO FOOD WASTE என்ற தன்னார்வ அமைப்பிற்கு இலவசமாக நான்கு சக்கர வாகனத்தை வழங்கிய வானதி சீனிவாசன்

கோவை: கோவையை தலைமையிடமாக கொண்டு NO FOOD WASTE என்ற தன்னார்வ தொண்டு நிறுவனத்திற்கு பா.ஜ.கவின் மாநிலச் செயலாளரும், கோவை மக்கள் சேவை மையத்தின் நிறுவனருமான வானதி சீனிவாசன் இலவசமாக நான்கு சக்கர வாகனத்தை வழங்கினார்.

கோவையை தலைமையிடமாக கொண்டு NO FOOD WASTE என்ற தன்னார்வ தொண்டு நிறுவனம் செயல்பட்டு வருகிறது. சென்னை, மதுரை, கோவை, சேலம், திருச்சி உள்ளிட்ட 12 மாவட்டங்களில் இதன் கிளைகள் உள்ளன.

பசியால் வாடுபவர்களுக்கு உணவு அளிப்பதை நோக்கமாக கொண்ட இந்த நிறுவனம் ஏழை எளிய முதியோர் மற்றும் சாலைகளில் வசிக்கும் ஆதரவற்றோர்களுக்கு கடந்த 2014ம் ஆண்டு முதல் உணவளித்து வருகின்றனர். மேலும், வீடு மற்றும் திருமண மண்டபங்களில் வீணாகும் உணவை சேகரித்து சாலையோரம் உள்ளவர்களுக்கு உணவளித்து வருகின்றனர். இதுவரை 13 லட்சம் பேருக்கு உணவளித்துள்ளனர்.



இந்நிலையில், இவர்களை ஊக்குவிக்கும் வகையில் பா.ஜ.கவின் மாநிலச் செயலாளரும், கோவை மக்கள் சேவை மையத்தின் நிறுவனருமான வானதி சீனிவாசன் டாடா ஏஸ் வாகனத்தை NO FOOD WASTE அமைப்பின் நிறுவனர் பத்மநாபனிடன் வாகனத்தை வழங்கினார்.