கோவை: கோவை வரதராஜபுரம் பகுதியில் பாஜக தேசிய செயலாளர் ஹெச்.ராஜா செய்தியாளர்களுக்கு பேட்டியளித்தார். அப்போது பேசிய அவர், வரதராஜபுரம் மேடு பகுதியில் 60 ஆண்டுகளாக இருந்த கனகர் அப்புச்சி கோவில் நிலத்தை தனியார் ஆக்கிரமித்துள்ளனர் என தெரிவித்தார்.
கோவை: கோவை வரதராஜபுரம் பகுதியில் பாஜக தேசிய செயலாளர் ஹெச்.ராஜா செய்தியாளர்களுக்கு பேட்டியளித்தார். அப்போது பேசிய அவர், வரதராஜபுரம் மேடு பகுதியில் 60 ஆண்டுகளாக இருந்த கனகர் அப்புச்சி கோவில் நிலத்தை தனியார் ஆக்கிரமித்துள்ளனர் என தெரிவித்தார்.
மேலும், காவல் துறையினர் ஆக்கிரமிப்பாளர்களுக்கு ஆதரவாக செயல்படுகின்றனர் என குற்றம் சாட்டிய அவர், கல், சிலை, போர்டு ஆகியவற்றை காவல் துறையினர் அகற்றியுள்ளனர் எனவும், 30 நாட்களுக்குள் கோவிலுக்கு அனுமதி அளிக்க வேண்டுமெனவும் தெரிவித்தார்.
"இது இந்து நாடு, இது இந்துக்களின் உரிமை. கோவில் ஆகும்", எனவும் தெரிவித்தார்.
பட்ஜெட் கூட்டத்தொடரில் நிதி அமைச்சர் நிர்மலா சீதாராமன் சிந்துசமவெளி நாகரீகத்தை சிந்து சரஸ்வதி என்று குறிப்பிட்டதற்கு திமுக தலைவர் ஸ்டாலின் கண்டனம் தெரிவித்தது தொடர்பான செய்தியாளரின் கேள்விக்கு பதிலளித்த எ.ச்.,ராஜா,
"ஸ்டாலின் நாகரீகம் இல்லாத நபர் என்றும், அவரை போன்ற மோசமான நபரை பார்த்தது இல்லை எனவும் சாடினார். திமுக தலைவர் ஸ்டாலின் இந்த மண், பண்பாடு, கலாச்சாரத்திற்கு எதிரி", என தெரிவித்தார்.
திமுக, முஸ்லிம் லீக்காக மாறிக்கொண்டுள்ளது எனவும், இந்து மதத்தின் பண்பாடு, கலாச்சாரம் ஆகியவற்றை கொச்சைப்படுத்தினால், விளைவுகளை சந்திக்க நேரிடும் எனவும் அவர் எச்சரித்தார்.
மேலும், தஞ்சை பெரிய கோயிலில் தமிழில் குடமுழுக்கு நடத்துவது தொடர்பாக கேட்கப்பட்ட கேள்விக்கு பதில் அளித்த அவர், "முஸ்லிம்கள் குரானை அரபு மொழியில் ஓதுகின்றனர், அதை நாங்கள் எதிர்க்கவில்லை. ஏனென்றால், மொழி வேறு மதம் வேறு. அப்படியிருக்க குடமுழுக்கு சமஸ்கிருத மொழியில் நடக்க முட்டுக்கட்டை போடுபவர்கள் தீய சக்திகள். இந்து மதத்திற்கு எதிராக யுத்தம் நடைபெறுகிறது" என குற்றம் சாட்டினார்.
"தஞ்சை கோயிலில் குடமுழுக்கு தமிழில் செய்ய வேண்டும் என போராடுவது யார்?. ஜெய்னுல் ஆபிதீன், டேவிட் மணியரசனுக்கு தஞ்சை கோவில் குடமுழுக்கு தமிழில் நடத்த என்ன அக்கறை..? இந்து மதம் என்றால் என்ன வேண்டுமானாலும் பேசலாமா", என கேள்வி எழுப்பினார்.