கோவை: தமிழகத்தில் ஊரக உள்ளாட்சி தேர்தல் இரண்டு கட்டங்களாக நடைபெற்ற நிலையில், மேட்டுப்பாளையத்தில் ஊரக உள்ளாட்சி தலைவர் பதவிகளுக்குப் போட்டியிட்டு தொடர்ந்து இருபது ஆண்டுகாலமாக வேட்பாளர்கள் வெற்றி பெற்றுள்ளனர்.
கோவை: தமிழகத்தில் ஊரக உள்ளாட்சி தேர்தல் இரண்டு கட்டங்களாக நடைபெற்ற நிலையில், மேட்டுப்பாளையத்தில் ஊரக உள்ளாட்சி தலைவர் பதவிகளுக்குப் போட்டியிட்டு தொடர்ந்து இருபது ஆண்டுகாலமாக வேட்பாளர்கள் வெற்றி பெற்றுள்ளனர்.
கோவை மாவட்டம் மேட்டுப்பாளையம் தாலுக்காவிற்கு உட்பட்ட காரமடை ஒன்றியத்தில் 17 ஊராட்சி மன்ற தலைவர்கள் உள்ளனர். இதில் ஆண் வாக்காளர்கள் 56,822, பெண் வாக்காளர்கள் 59,889, மற்ற வாக்காளர்கள் 11 என மொத்தம் 1,16,746 வாக்காளர்கள் உள்ளனர்.
இதில் குறிப்பிட்ட ஊராட்சி பகுதிகளில் மட்டும் தொடர்ச்சியாக நான்கு தேர்தல்களில் தொடர்ந்து ஒரே வேட்பாளர் களம் கண்டு அதில் வெற்றியும் கண்டு வருகின்றனர். ஜடையம்பாளையம், பெள்ளாதி, சிக்காரம்பாளையம், மருதூர் உள்ளிட்ட சிற்றூராட்சி பகுதிகளில் தான் இந்த தொடர் வெற்றிகளை அந்த பகுதி வேட்பாளர்கள் பெற்று வருகின்றனர்.
ஊராட்சி தலைவர் பதவிக்கு அரசியல் கட்சி சின்னங்கள் ஒதுக்கப்படாத காரணத்தால் ஒவ்வொரு உள்ளாட்சி தேர்தலுக்கும் இந்த வேட்பாளர்களுக்கு தேர்தல் ஆணையம் மூலம் கொடுக்கப்படும் சின்னமானது மாறி மாறி புதிய சின்னங்கள் கொடுக்கப்படுகிறது . இருப்பினும் இந்த வேட்பாளர்களுக்கான மக்கள் ஆதரவு என்பது எப்போது அதிகமாகத்தான் இருக்கிறது. இதற்கு அவர்கள் மக்களிடத்தில் காட்டும் இணக்கம் மற்றும் அவர்களின் சுக துக்கங்களில் தேர்ந்தெடுக்கப்படும் இந்த மக்கள் பிரதிநிதிகள் நெருக்கமே காரணமாக கூறப்படுகிறது. சில நேரங்களில் வார்டு மறுவரை உள்ளிட்ட போதும் தங்களது குடும்ப உறுப்பினர்கள் மற்றும் பெண் வேட்பாளர்கள் என்றால் மனைவி சகோதரிகளை நிறுத்தினாலும் இவர்களது வாக்கு சற்றும் சரிவதில்லை.
தற்போது நடந்து முடிந்த உள்ளாட்சி தேர்தலிலும் இந்த வேட்பாளர்களே மீண்டும் வெற்றி வாகை சூட்டியுள்ளனர். இதன்படி ஜடையம்பாளையம் பஞ்சாயத்துத் தலைவராக ஆர்.கே.பழனிசாமியும்,
சிக்கராம்பாளையம் பஞ்சாயத்து தலைவர் ஞானசேகரும், பெள்ளாதி பஞ்சாயத்து தலைவராக பூபதியும், மருதூர் ஊராட்சியில் முன்னாள் தலைவரான அறிவரசு மனைவி பூர்ணிமாவும் போட்டியிட்டு தேர்வாகியுள்ளனர்.
கடந்த மூன்று ஆண்டுகாலமாக உள்ளாட்சி அமைப்புகள் இல்லாத போதும் தொடர்ந்து அந்த பகுதி கிராம மக்களுக்கு செய்யும் உதவிகள் காரணமாக மக்கள் இந்த தொடர் வெற்றியை அளித்து வருவதாக கூறுகின்றனர்.
கோவை மாவட்டம் மேட்டுப்பாளையம் தாலுக்காவிற்கு உட்பட்ட காரமடை ஒன்றியத்தில் 17 ஊராட்சி மன்ற தலைவர்கள் உள்ளனர். இதில் ஆண் வாக்காளர்கள் 56,822, பெண் வாக்காளர்கள் 59,889, மற்ற வாக்காளர்கள் 11 என மொத்தம் 1,16,746 வாக்காளர்கள் உள்ளனர்.
இதில் குறிப்பிட்ட ஊராட்சி பகுதிகளில் மட்டும் தொடர்ச்சியாக நான்கு தேர்தல்களில் தொடர்ந்து ஒரே வேட்பாளர் களம் கண்டு அதில் வெற்றியும் கண்டு வருகின்றனர். ஜடையம்பாளையம், பெள்ளாதி, சிக்காரம்பாளையம், மருதூர் உள்ளிட்ட சிற்றூராட்சி பகுதிகளில் தான் இந்த தொடர் வெற்றிகளை அந்த பகுதி வேட்பாளர்கள் பெற்று வருகின்றனர்.
ஊராட்சி தலைவர் பதவிக்கு அரசியல் கட்சி சின்னங்கள் ஒதுக்கப்படாத காரணத்தால் ஒவ்வொரு உள்ளாட்சி தேர்தலுக்கும் இந்த வேட்பாளர்களுக்கு தேர்தல் ஆணையம் மூலம் கொடுக்கப்படும் சின்னமானது மாறி மாறி புதிய சின்னங்கள் கொடுக்கப்படுகிறது . இருப்பினும் இந்த வேட்பாளர்களுக்கான மக்கள் ஆதரவு என்பது எப்போது அதிகமாகத்தான் இருக்கிறது. இதற்கு அவர்கள் மக்களிடத்தில் காட்டும் இணக்கம் மற்றும் அவர்களின் சுக துக்கங்களில் தேர்ந்தெடுக்கப்படும் இந்த மக்கள் பிரதிநிதிகள் நெருக்கமே காரணமாக கூறப்படுகிறது. சில நேரங்களில் வார்டு மறுவரை உள்ளிட்ட போதும் தங்களது குடும்ப உறுப்பினர்கள் மற்றும் பெண் வேட்பாளர்கள் என்றால் மனைவி சகோதரிகளை நிறுத்தினாலும் இவர்களது வாக்கு சற்றும் சரிவதில்லை.
தற்போது நடந்து முடிந்த உள்ளாட்சி தேர்தலிலும் இந்த வேட்பாளர்களே மீண்டும் வெற்றி வாகை சூட்டியுள்ளனர். இதன்படி ஜடையம்பாளையம் பஞ்சாயத்துத் தலைவராக ஆர்.கே.பழனிசாமியும்,
சிக்கராம்பாளையம் பஞ்சாயத்து தலைவர் ஞானசேகரும், பெள்ளாதி பஞ்சாயத்து தலைவராக பூபதியும், மருதூர் ஊராட்சியில் முன்னாள் தலைவரான அறிவரசு மனைவி பூர்ணிமாவும் போட்டியிட்டு தேர்வாகியுள்ளனர்.
கடந்த மூன்று ஆண்டுகாலமாக உள்ளாட்சி அமைப்புகள் இல்லாத போதும் தொடர்ந்து அந்த பகுதி கிராம மக்களுக்கு செய்யும் உதவிகள் காரணமாக மக்கள் இந்த தொடர் வெற்றியை அளித்து வருவதாக கூறுகின்றனர்.