குடியுரிமை சட்ட திருத்தத்திற்கு பொதுமக்களின் ஆதரவை திரட்டுவதற்காக கட்டணமில்லா தொலைபேசி எண்ணை பா.ஜ.க இன்று அறிமுகம் செய்துள்ளது. அக்கட்சியின் தலைவரும், மத்திய உள்துறை அமைச்சருமான அமித் ஷா இதனை அறிமுகப்படுத்தி வைத்தார்.
குடியுரிமை சட்ட திருத்தத்திற்கு பொதுமக்களின் ஆதரவை திரட்டுவதற்காக கட்டணமில்லா தொலைபேசி எண்ணை பா.ஜ.க இன்று அறிமுகம் செய்துள்ளது. அக்கட்சியின் தலைவரும், மத்திய உள்துறை அமைச்சருமான அமித் ஷா இதனை அறிமுகப்படுத்தி வைத்தார்.
குடியுரிமை திருத்த சட்டத்துக்கு ஆதரவு தெரிவிக்கும் பொதுமக்கள், 8866288662 என்ற எண்ணுக்கு ‘மிஸ்டு கால்‘ கொடுத்து தங்கள் ஆதரவை பதிவு செய்யலாம் என்று தெரிவிக்கப்பட்டுள்ளது.
இதுபோல், குடியுரிமை திருத்த சட்டத்தின் உண்மைத்தன்மை குறித்து பொதுமக்களுக்கு வீடு வீடாக சென்று விளக்கமளிக்க பா.ஜ.க திட்டமிட்டுள்ளது. வரும் ஜனவரி 5-ம் தேதி முதல் 15-ம் தேதிவரை நாடு முழுவதும் மத்திய அமைச்சர்கள் மற்றும் மூத்த தலைவர்கள் இதில் ஈடுபடுகிறார்கள். டெல்லியில் 5-ம் தேதி இந்நிகழ்ச்சியை தொடங்கி வைக்கும் பா.ஜ.க தலைவர் அமித் ஷா பொதுமக்களுக்கு விளக்கமளிக்க வீடு வீடாக செல்ல உள்ளார்.