வால்பாறை உள்ளாட்சி தேர்தலில் போட்டியிட தி.மு.க சார்பில் விருப்ப மனு விநியோகம்

கோவை: கோவை மாவட்டம் வால்பாறையில் உள்ளாட்சி தேர்தலில் போட்டியிட தி.மு.க சார்பில் தொழிற்சங்க அலுவலகத்தில் விருப்ப மனுக்கள் விநியோகிக்கப்பட்டது.

கோவை தெற்கு மாவட்ட செயலாளர் தென்றல் செல்வராஜ் தலைமையில் விருப்ப மனுக்கள் பெறப்பட்டன. வால்பாறை நகராட்சிக்குட்பட்ட 21 வார்டுகளுக்கும் நகராட்சி தலைவர் பதவிக்கும் விருப்ப மனு அளித்தனர்.



வார்டு உறுப்பினர் பதவிக்கு பொது பிரிவினருக்கு 5000 ரூபாயும் எஸ்.சி.எஸ்.டி மற்றும் பெண்களுக்கு 2 ஆயிரத்து 500 ரூபாயும், நகராட்சி தலைவர் பதவிக்கு பொது பிரிவினருக்கு 25,000 ரூபாயும், எஸ்.சி.எஸ்.டி மற்றும் பெண்களுக்கு 12,500 ரூபாயும் நிர்ணயிக்கப்பட்டுள்ளது. இதில் ஏராளமானவர்கள் போட்டியிட விருப்ப மனு அளித்தனர்.

இந்நிகழ்ச்சியில், கோவை தெற்கு மாவட்ட செயலாளர் தென்றல் செல்வராஜ், துணை செயலாளர்கள் இருகூர் சந்திரன், பொள்ளாச்சி கபிலன், வால்பாறை நகர செயலாளர் பால்பாண்டி தொழிற் சங்கத்தலைவர் சௌந்திரபாண்டியன் உட்பட ஏராளமானவர்கள் கலந்து கொண்டனர்.