ஆவின் பால் விற்பனை விலை லிட்டர் ஒன்றுக்கு ரூ. 6 உயர்வு : புதிய விலை திங்கட்கிழமை முதல் அமல்

தமிழகத்தில் ஆவின் பால் கொள்முதல் மற்றும் விற்பனை விலையை தமிழக அரசு உயர்த்தியுள்ளது.

இது குறித்து தமிழக அரசு வெளியிட்டுள்ள அறிக்கையில் கூறியிருப்பதாவது :-  பால் உற்பத்தியாளர்களின் கோரிக்கையை ஏற்று பால் கொள்முதல் விலை உயர்த்தப்பட்டு உள்ளது. நுகர்வோர்களுக்கு தரமான பால் விநியோகம் செய்வதை உறுதிப்படுத்தும் விதமாக விற்பனை விலையும் உயர்த்தப்பட்டுள்ளது. பசும்பால் கொள்முதல் விலை லிட்டருக்கு ரூ. 28 இருந்து ரூ. 32ஆக, அதாவது லிட்டருக்கு ரூ. 4 உயர்த்தப்படுவதாக தமிழக அரசு கூறியுள்ளது. எருமைப்பால் கொள்முதல் விலையை லிட்டர் ஒன்றிற்கு ரூ. 35 இருந்து ரூ. 41 ஆக, அதாவது லிட்டர் ஒன்றிற்கு 6 உயர்த்தப்படுகிறது.அதேபோல், அனைத்து வகையான ஆவின் பால் விற்பனை விலை லிட்டர் ஒன்றுக்கு ரூ. 6 உயர்த்தப்படும் என்று தமிழக அரசு அறிவித்துள்ளது. இந்த விலை உயர்வு வரும் திங்கள் முதல் அமலுக்கு வருகிறது.