திருப்பூர் : திருப்பூரில் காதலித்து திருமணம் செய்துகொண்ட காதல் மனைவியை குடும்பத்தகராறு காரணமாக கத்தியால் குத்தி கொலை செய்த கணவரை போலீசார் கைது செய்து விசாரணை மேற்கொண்டு வருகின்றனர்.
திருப்பூர் : திருப்பூரில் காதலித்து திருமணம் செய்துகொண்ட காதல் மனைவியை குடும்பத்தகராறு காரணமாக கத்தியால் குத்தி கொலை செய்த கணவரை போலீசார் கைது செய்து விசாரணை மேற்கொண்டு வருகின்றனர்.
திருப்பூர் டி.எம்.எஸ். நகர் அருகேயுள்ள அருள்ஜோதி நகரை சேர்ந்தவர் ரமேஷ்குமார் (33). இவரது மனைவி பிரியா (31). இருவரும் கடந்த 10 ஆண்டுகளுக்கு முன் காதலித்து திருமணம் செய்து கொண்டனர். இந்த தம்பதிக்கு ஒரு மகன் மற்றும் மகள் உள்ளனர். இருவரும் பள்ளிக்கு சென்று வருகின்றனர். கடந்த சில மாதங்களாக கருத்து வேறுபாடு காரணமாக இருவரும் பிரிந்து வாழ்ந்து வந்தனர். பிரியா கணவரைப் பிரிந்து திருப்பூரில் தனது தாயாருடன் வசித்து வந்த நிலையில், ரமேஷ்குமாரும் தனது தாயாருடன் அருள்ஜோதி நகரில் வசித்து வந்தார்.
இந்த நிலையில், இருவரும் கலந்து பேசி சேர்ந்து வாழ்க்கை நடத்துவது குறித்து முடிவு செய்யலாம் எனக் கூறி, பிரியாவை நேற்று மாலை தனது தாயார் வீட்டுக்கு ரமேஷ்குமார் அழைத்து வந்துள்ளார். தாயார் முன்னிலையில் சமரசப் பேச்சு நடைபெற்று வந்த போது, இருவருக்கும் இடையில் மீண்டும் வாக்குவாதம் ஏற்பட்டுள்ளது. அப்போது, கோபத்தில் வீட்டிலிருந்த கத்தியை எடுத்து பிரியாவை ரமேஷ்குமார் சரமாரியாக குத்தியுள்ளார். இதில், படுகாயமடைந்த பிரியா ரத்த வெள்ளத்தில் துடித்தார். இதையடுத்து, சத்தம் கேட்டு வந்த அருகிலிருந்தவர்கள் வடக்கு போலீசாருக்கு தகவல் தெரிவித்தனர்.
இதனையடுத்து, சம்பவ இடத்திற்கு விரைந்து வந்த போலீசார், பிரியாவை தங்களது வாகனத்தில் மீட்டு திருப்பூர் அரசு தலைமை மருத்துவமனைக்கு அனுப்பி வைத்தனர். இருப்பினும் செல்லும் வழியில் அவர் உயிரிழந்தார்.
இந்தக் கொலை சம்பவம் தொடர்பாக வடக்கு காவல்நிலையத்தில் வழக்குப்பதிவு செய்த போலீசார், ரமேஷ்குமாரை கைது செய்து விசாரணை மேற்கொண்டு வருகின்றனர்.
திருப்பூர் டி.எம்.எஸ். நகர் அருகேயுள்ள அருள்ஜோதி நகரை சேர்ந்தவர் ரமேஷ்குமார் (33). இவரது மனைவி பிரியா (31). இருவரும் கடந்த 10 ஆண்டுகளுக்கு முன் காதலித்து திருமணம் செய்து கொண்டனர். இந்த தம்பதிக்கு ஒரு மகன் மற்றும் மகள் உள்ளனர். இருவரும் பள்ளிக்கு சென்று வருகின்றனர். கடந்த சில மாதங்களாக கருத்து வேறுபாடு காரணமாக இருவரும் பிரிந்து வாழ்ந்து வந்தனர். பிரியா கணவரைப் பிரிந்து திருப்பூரில் தனது தாயாருடன் வசித்து வந்த நிலையில், ரமேஷ்குமாரும் தனது தாயாருடன் அருள்ஜோதி நகரில் வசித்து வந்தார்.
இந்த நிலையில், இருவரும் கலந்து பேசி சேர்ந்து வாழ்க்கை நடத்துவது குறித்து முடிவு செய்யலாம் எனக் கூறி, பிரியாவை நேற்று மாலை தனது தாயார் வீட்டுக்கு ரமேஷ்குமார் அழைத்து வந்துள்ளார். தாயார் முன்னிலையில் சமரசப் பேச்சு நடைபெற்று வந்த போது, இருவருக்கும் இடையில் மீண்டும் வாக்குவாதம் ஏற்பட்டுள்ளது. அப்போது, கோபத்தில் வீட்டிலிருந்த கத்தியை எடுத்து பிரியாவை ரமேஷ்குமார் சரமாரியாக குத்தியுள்ளார். இதில், படுகாயமடைந்த பிரியா ரத்த வெள்ளத்தில் துடித்தார். இதையடுத்து, சத்தம் கேட்டு வந்த அருகிலிருந்தவர்கள் வடக்கு போலீசாருக்கு தகவல் தெரிவித்தனர்.
இதனையடுத்து, சம்பவ இடத்திற்கு விரைந்து வந்த போலீசார், பிரியாவை தங்களது வாகனத்தில் மீட்டு திருப்பூர் அரசு தலைமை மருத்துவமனைக்கு அனுப்பி வைத்தனர். இருப்பினும் செல்லும் வழியில் அவர் உயிரிழந்தார்.
இந்தக் கொலை சம்பவம் தொடர்பாக வடக்கு காவல்நிலையத்தில் வழக்குப்பதிவு செய்த போலீசார், ரமேஷ்குமாரை கைது செய்து விசாரணை மேற்கொண்டு வருகின்றனர்.