சிறுவாணி அருகே காருண்யா நகரில் ஜுகா பீட்சேரியா கிளை திறப்பு

கோவை : கோவை - சிறுவாணி சாலையில் உள்ள காருண்யா நகரில் ஜுகா பீட்சேரியா தனது 10-வது கிளையை நிறுவியுள்ளது. 



இளைஞர்களுக்கு பிடித்தமானதாக உள்கட்டமைப்பு வசதிகளால் இந்த ஜுகா பீட்சேரியா உருவாக்கப்பட்டுள்ளது. மேலும், சிறுவாணி மலை அடிவாரப் பகுதி என்பதால், இந்த இயற்கையான சூழலை அனுபவித்து இரவு உணவுகளை மனதார உட்கொள்ளும் வகையில் ஏற்பாடு செய்யப்பட்டுள்ளது. அதோடு, விளையாட்டுப் போட்டிகளை நேரலையான பெரிய திரையில் கண்டுகளிக்கும் விதமாகவும் அமைக்கப்பட்டுள்ளது. கோவையில் ஜுகா பீட்சேரியா தனது 10-வது கிளையை காருண்யா பல்கலைக்கழகத்தின் துணை வேந்தர் சாம் பால் தினகரன் திறந்து வைத்தார். அவருடன் சில்பா பால் தினகரன் மற்றும் ஸ்வீட்டி பால் தினகரன் ஆகியோர் கலந்து கொண்டனர். மேலும், திறப்பு விழாவிற்கு வருகை தந்தவர்களுக்கு மரக்கன்றுகள் பரிசாக வழங்கப்பட்டது. 



நிறுவனர் அருண்குமார் என்பவரால் தொடங்கப்பட்ட ஜுகா பீட்சேரியா, கோவையில் ஏற்கனவே பீளமேடு, ஆர்.எஸ். புரம், சரவணம்பட்டி, நஞ்சுண்டாபும் சாலை மற்றும் சென்னை, பெங்களூரூ ஆகிய பகுதிகளில் செயல்பட்டு வருகிறது. இங்கு, பல்வேறு சுவைகளில் உடனுக்குடனாக தயார் செய்யப்படும் பீட்சா மற்றும் சாஸ் மற்றும் ஜுகா சேக்ஸ், மில்லட் சேக்ஸ் உள்ளிட்ட பல்வேறு உணவுகள் கிடைக்கின்றன.