கோவையில் டெக்ஸ்டார்ஸ் ஸ்டார்ட் அப் வீக்கென்ட் வரும் ஆகஸ்ட் 16-ம் தேதி தொடக்கம்

கோவை : இளம் தொழில்முனைவோர்கள் பயனடையும் வகையில், கோவையில் 3 நாட்கள் நடக்கும் டெக்ஸ்டார்ஸ் ஸ்டார்ட் அப் வீக்கென்ட் வரும் ஆகஸ்ட் 16-ம் தேதி தொடங்குகிறது. 

கற்பகம் பொறியியல் கல்லூரி மற்றும் கூகுள் ஃபார் ஸ்டார்ட் அப்ஸ் இணைந்து டெக்ஸ்டார்ஸ் ஸ்டார்ட்அப் வீக்கென்ட் உருவாக்கியுள்ளது. உள்ளூர் வர்த்தகத்தை மேம்படுத்துவதற்காக இந்த அமைப்பு உருவாக்கப்பட்டுள்ளது. இந்த நிலையில், இளம் தொழில்முனைவோர்கள் பயனடையும் வகையில், 3 நாட்கள் நடக்கும் டெக்ஸ்டார்ஸ் ஸ்டார்ட் அப் வீக்கென்ட் வரும் ஆகஸ்ட் 16-ம் தேதி கற்பகம் பொறியியல் கல்லூரியில் மாலை 5.30 மணிக்கு தொடங்குகிறது. 18-ம் தேதி வரை நடக்கும் இந்த நிகழ்ச்சியில் பல்வேறு பகுதிகளில் இருந்து தொழில்முனைவோர்கள் கலந்து கொள்கின்றனர். 

இதில், பங்கேற்க ரூ. 3,000 கட்டணமாக நிர்ணயம் செய்யப்பட்டுள்ளது. கல்லூரி மாணவர்களுக்கு 50 சதவீதம் தள்ளுபடி செய்யப்பட்டுள்ளது. மேலும், விபரங்களுக்கு http://bit.ly/swcbe19 என்ற இணையபக்கத்தை தொடர்பு கொள்ளலாம்.